0
0
Read Time:1 Minute, 6 Second
ကဗျာကဏ္ဍ “တော်လှန်ငလျင်”
ပျိုးကြဲလက်
ရုန်း မထွက်နိုင်ဘု
အပြုံး မပျက်ပါကွယ့်
ရုံးတက်ကာ ရင်ကော့လို့
မေးငေါ့ခဲ့ အလီလီ ။
ရာထူးဂုဏ် ဘဝင်ဟပ်ပြန်တော့
ရွှေအရပ် နေပြည်တော်မှာလ
ငွေမပြတ် သေရည်ကျော်နဲ့
နေရီသော် ဇိမ်ယစ်ပေါ့
လူညစ်တို့ပြည် ။
ပြေတလွှားမှာ အသက်ဆုံးစေကွယ့်
အနေအစားအရာ မပျက်သုဉ်းတာက
ရုံးချစ်မောင် မယ်တသိုက်ပေပေါ့
ကပ်တိုက်မှ တကျည်ကျည်
လူပလီ အညွန့်တုံး ။
အကုသိုလ် ကံအလှည့်ကျပြီမို့
မဟာပထဝီ မြေထုကြီးရယ်က
တုန်ဟည်းတော်လှန် လှုပ်ခါချပြန်တော့
နေပြည်ခမျာ အိမ်ဂေဟာမဲ့ပါပေါ့
မီးလောင်ပြင်ရဲ့ ကျိန်စာအလား
စည်းဘောင်မြင်ကွယ့် အချိန်ခါမှား
သူပုန်စကားသာ ယုံစားထိုက်ရင်ဖြင့်
မင်းအမိုက်ဆုံး ။ ။
ပျိုးကြဲလက်
ကဗျာရေးသားချိန် = ၂၀၂၅ ခုနှစ်၊ ဧပြီလ ၁၉ ရက် ညနေ ၆ နာရီ ၄၁ မိနစ်
Thanlwin Myanmar Media
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
