0
0
တနင်္သာရီမြို့နယ်၊ ကမ္မလိုင်းရွာအခြေစိုက် ခမရ ၅၅၈ တပ်ရင်းဂိတ်ကို တိုက်ခိုက်မှု စစ်သား ၁ ဦး သေဆုံး
သံလွင်မြန်မာသတင်း
ဧပြီလ ၂၀
တနင်္သာရီတိုင်း၊ တနင်္သာရီမြို့နယ်၊ ကမ္မလိုင်းရွာအခြေစိုက် အကြမ်းဖက်စစ်ကောင်စီ၏ ခမရ ၅၅၈ တပ်ရင်းကို ဝင်ရောက်တိုက်ခိုက်ခဲ့ရာ စစ်သား ၁ ဦးသေဆုံးခဲ့ကြောင်း တနင်္သာရီမြို့နယ် ပကဖ ထံမှ သိရသည်။
ဧပြီလ ၁၆ ရက် နံနက် ၈ နာရီ ၃၀ မိနစ်က မြိတ်ခရိုင်၊ တနင်္သာရီမြို့နယ်၊ ကမ္မလိုင်းရွာအခြေစိုက် အ ကြမ်းဖက်စစ်ကောင်စီ၏ ခမရ ၅၅၈ တပ်ရင်း စစ်ဆေးရေးဂိတ်ကို တနင်္သာရီမြို့နယ် ပြည်သူ့ကာ ကွယ်ရေးအဖွဲ့ (ပ.က.ဖ) မှ ဝင်ရောက်ပစ်ခတ်တိုက်ခိုက်ခဲ့ရာ အပြန်အလှန် ပစ်ခတ်တိုက်ပွဲ မိနစ် ၂၀ ခန့် ကြာမြင့်ခဲ့ကြောင်း သိရသည်။
ထို့သို့ အပြန်အလှန် ပစ်ခတ်တိုက်ပွဲအတွင်း အကြမ်းဖက်စစ်ကောင်စီတပ်သား ၁ ဦး သေဆုံးပြီး ထိ ခိုက်ဒဏ်ရာရရှိသူများလည်းရှိကြောင်း၊ ပြည်သူ့ကာကွယ်ရေးတပ်ဖွဲ့ဝင်များ အထိအခိုက်မရှိ ပြန် လည် ဆုတ်ခွာနိုင်ခဲ့ကြောင်း သိရသည်။
အလားတူ ဧပြီလ ၁၆ ရက် နံနက် အစောပိုင်း ၃ နာရီခန့်တွင် တနင်္သာရီမြို့နယ်ပြည်သူ့ ကာကွယ် ရေးအဖွဲ့ (ပ.က.ဖ) တိုက်ခိုက်ရေးအဖွဲ့ မှ ဘုတ်ပြင်းမြို့နယ်၊ တောင်ငယ်ရွာအခြေစိုက်၊ ရွှေဂဲညိုရွာ အကြမ်းဖက်စစ်ကောင်စီလက်အောက်ခံ ပျူစောထီးအဖွဲ့အား ဝင်ရောက်ပစ်ခတ်ရှင်းလင်းခဲ့ရာ ပျူ စောထီးခေါင်းဆောင် ဌေးဝင်း သေဆုံးခဲ့ပြီး လက်နက် ၁၀ လက်အား သိမ်းဆည်းရရှိခဲ့သေးသည်။
Thanlwin Myanmar Media
