0
0
လယ်ဒိုမြို့နယ်နှင့် မူးမြို့နယ်တို့တွင် စစ်တပ်က လေကြောင်း၊လက်နက်ကြီးဖြင့် တိုက်ခိုက်မှုကြောင့် ပြည်သူ ၁ ဦးသေဆုံးပြီး နေအိမ် ၇ လုံးပျက်စီး
သံလွင်မြန်မာသတင်း
ဧပြီလ ၂၀
ကေအဲန်ယူ-ကရင်အမျိုးသားအစည်းအရှုံး၊ ကော်သူးလေအုပ်ချုပ်မှုနယ်မြေ၊ ခလယ်လွီထူခရိုင်၊ လယ် ဒို မြို့နယ် နှင့် မူးမြို့နယ်တို့တွင် အကြမ်းဖက်စစ်ကောင်စီတပ်က လေကြောင်း၊ လက်နက်ကြီးဖြင့် တိုက်ခိုက်မှုကြောင့် အပြစ်မဲ့ အရပ်သား ပြည်သူ ၁ ဦးသေဆုံးခဲ့ပြီး နေအိမ် ၇)လုံးပျက်စီးခဲ့ကြောင်း KNU ဗဟိုက ထုတ်ပြန်သည်။
ဧပြီလ ၁၈ ရက် နံနက် ၉ နာရီ ၆ မိနစ်က ကေအဲန်ယူ−လယ်ဒို မြို့နယ် စီမံအုပ်ချုပ်မှုနယ်မြေတွင်းရှိ အကြမ်းဖက်စစ်ကောင်စီ၏ ခလရ−၂၆၄ တပ်မှ ၁၂၀ မမ လက်နက်ကြီးဖြင့် ရေတွင်းကုန်းကျေးရွာ အတွင်းသို့ ၂ လုံးပစ်ခတ်ခဲ့ရာ အသက် ၄၃ နှစ်အရွယ် စောမျိုးသန့် သေဆုံးခဲ့ပြီး နေအိမ် ၆ လုံး၊ ဆိုင် ကယ် ၂ စီးနှင့် ထော်လာဂျီ ၁ စီးတို့ ထိမှန် ပျက်စီးခဲ့ကြောင်း သိရသည်။
ထို့အပြင် ဧပြီလ ၁၈ ရက် နံနက် ၉ နာရီ ၅ မိနစ် တွင် အကြမ်းဖက်စစ်ကောင်စီလေတပ်မှ ဂျက်ဖိုက် တာ တစ်စီးဖြင့် နိုဂေါ်ကျေးရွာဘေးအတွင်းသို့ ဗုံးကြဲ ပစ်ခတ်ခဲ့ရာ ဝက်တစ်ကောင်သေဆုံးပြီး နွား ၂ ကောင် ထိမှန်ဒဏ်ရာရရှိခဲ့ကြောင်း သိရသည်။
ဧပြီလ ၁၆ ရက် နံနက် ၈ နာရီ ၃၀ မိနစ်ကလည်း ကေအဲန်ယူ−မူးမြို့နယ်တွင်းရှိ အကြမ်းဖက်စစ် ကောင်စီ၏ ခမရ−၃၅၁ တပ်ရင်း မှ ထွနီကုန်းကျေးရွာထဲသို့ လက်နက်ကြီး ၁ လုံး ပစ်ခတ်ခဲ့ရာ နေအိမ် ၁ လုံး ထိမှန် ပျက်စီးခဲ့ကြောင်း သိရသည်။
အာဏာသိမ်အကြမ်းဖက်စစ်ကောင်စီတပ်များ၏ အကြမ်းဖက်လုပ်ရပ်များကြောင့် ခလယ်လွီထူခရိုင် အတွင်းနေ အပြစ်မဲ့အရပ်သား ပြည်သူပိုင်ပစ္စည်းများနှင့်နေအိမ်များ များစွာထိခိုက်ပျက်စီးဆုံးရှုံးနေရ ပြီး ပြည်သူလူထုများအနေဖြင့်လည်း စိုးရိမ်ကြောက်ရွံ့မှု များစွာဖြင့် အသက်ရှင် နေထိုင် နေကြရ ကြောင်း KNU ဗဟို ထုတ်ပြန်ထားသည်။
Thanlwin Myanmar Media
