0
0
နောင်ချိုမြို့နယ်၊ တောင်ခမ်းဒေသကို စစ်ကောင်စီက အဆိပ်ငွေ့ဗုံးအပါအဝင် ကြဲချတိုက်ခိုက်မှု နေ အိမ် ၄ လုံး ပျက်စီး
သံလွင်မြန်မာသတင်း
ဧပြီလ ၆
ရှမ်းပြည်နယ်မြောက်ပိုင်း၊ နောင်ချိုမြို့နယ် ၊ တောင်ခမ်းဒေသကို အကြမ်းဖက်စစ်ကောင်စီတပ်က ဓာတုအဆိပ်ငွေ့ဗုံးအပါအဝင် ဗုံးအများအပြားဖြင့် ကြဲချတိုက်ခိုက်ခဲ့ရာ ပြည်သူ့နေအိမ် ၄ လုံး ပျက် စီးခဲ့ကြောင်း TNLA သတင်းနှင့်ပြန်ကြားရေးဌာနက ထုတ်ပြန်သည်။
ယမန်နေ့ ဧပြီလ ၅ ရက် မွန်းလွဲ ၂ နာရီက တအာင်းပြည်၊ တပ်မဟာ ၂ နယ်မြေ၊ နောင်ချိုမြို့နယ်၊ တောင်ခမ်းကျေးရွာရှိ အမှတ် ၉၀၂ တပ်စခန်းအနီးတွင် တိုက်ပွဲဖြစ်ပွားနေချိန် စစ်ကောင်စစ်တပ်မှ အ ဆိပ်ငွေ့ ဗုံး ၃ လုံးဖြင့် ကြဲချတိုက်ခိုက်ခဲ့ခြင်းဖြစ်ကြောင်း သိရသည်။
အလားတူ ဧပြီလ ၅ ရက် ည ၁၀ နာရီ ၁၁ မိနစ်ကလည်း နောင်ချိုမြိုနယ်၊ နောင်လင်ကျေးရွာနှင့် နမ့် ဆောင်ဟူးကျေးရွာကို ဂျက်ဖိုက်တာဖြင့် ပေါင် ၂၅၀ ဗုံး ၃ ကြိမ် လာရောက်ကြဲချခဲ့ရာ နေအိမ် ၄ လုံး ထိမှန်ပျက်စီးခဲ့ကြောင်း ၊ ထို့အပြင် ဧပြီလ ၅ ရက် မွန်းလွဲ ၂ နာရီ ၂၀ မိနစ်က မိုးကုတ်မြို့အနောက် ပိုင်း ပင့်ကူတောင်အောက် အနီးတွင် စစ်ကောင်စီတပ်က ဂျက်ဖိုက်တာဖြင့် ဗုံး ၂ လုံး လာရောက်ကြဲချတိုက်ခိုက်ခဲ့ကြောင်း သိရသည်။
အပစ်ရပ်ကြေညာခဲ့ပြီးနောက် ဧပြီလ ၃ ရက်က သပိတ်ကျင်းမြို့နယ် ၇ မိုင်တွင်လည်း ဂျက်ဖိုက်တာ ဖြင့် ၄ ကြိမ်၊ ဗုံး ၈ လုံး ကြဲချ တိုက်ခိုက်ခဲ့ကြောင်း၊ စစ်ကောင်စီတပ်သည် ညီနောင်မဟာမိတ် ၃ ဖွဲ့မှ တစ်ဖက်သက်အပစ်ရပ်ကြေညာပြီးနောက်တွင် အင်အားများ ဖြည့်တင်းခြင်း၊ တိုက်ပွဲများ အတွက် ထိုးစစ်ဆင်ခြင်း၊ တိုက်ပွဲများမဖြစ်ပွားခဲ့သောနေရာများကို လေကြောင်းဖြင့် ဗုံးကြဲတိုက်ခိုက်မှုများပြု လုပ်နေကြောင်း အသိပေးထားသည်။
ပြီးခဲ့သည့် မတ်လ (၂၈)ရက်တွင် မြန်မာနိုင်ငံတွင် ပြင်းအား ၇.၇ရှိသည့်ငလျင်လှုပ်ခတ်နေချိန် နေ့ လယ် ၁ နာရီ ၅ မိနစ်တွင် စစ်ကောင်စီတပ်က ဂျက်ဖိုက်တာဖြင့် နောင်လင်ကျေးရွာအတွင်း ပေါင် ၂၅၀ ဗုံး ၂ လုံး ကြဲချမှုကြောင့် ဒေသခံနေအိမ် ၃ လုံးနှင့် စာသင်ကျောင်း ၂ ကျောင်း ထိမှန်ပျက်စီးခဲ့ ကြောင်း သိရသည်။
ဧပြီလ ၂ ရက်မှ ၂၂ ရက်အထိ ရက်ပေါင်း ၂၀ ကြာ အပစ်ခတ်ရပ်ခဲ့သော စစ်ကောင်စီတပ်သည် ပလောင်ပြည်နယ်လွတ်မြောက်ရေးတပ်ဦး PSLF/TNLAအုပ်ချုပ်သော မြို့နယ်များကို စစ်အင်အား ဖြည့်တင်းခြင်း၊ ထိုးစစ်ဆင်ခြင်းနှင့် တိုက်ပွဲဖြစ်ပွားခြင်းမရှိသည့် နေရာများကို လေကြောင်းဖြင့် ဗုံးကြဲခြင်းစသည့်လုပ်ရပ်များ ပြုလုပ်နေလျက်ရှိကြောင်း သိရသည်။
လက်ရှိချိန်ထိ မြန်မာနိုင်ငံတဝန်းတွင် ငလျင်ဒဏ်ကြောင့် ဧပြီလ ၅ ရက်အထိ သေဆုံးသူ ၃၄၅၅ ဦး၊ ဒဏ်ရာရသူ ၄၈၄၀ ဦးနှင့် ပျောက်ဆုံးနေသူ ၂၂၀ ဦးအထိ ရှိခဲ့ပြီးဖြစ်ကြောင်း သိရသည်။
Thanlwin Myanmar Media
