0
0
ငလျင်ဒဏ်ကြောင့် အိုးဘိုအကျဥ်းထောင်တွင်းမှ နိုင်ငံရေးအကျဉ်းသူ ၆ ဦး ကျဆုံး
သံလွင်မြန်မာသတင်း
ဧပြီလ ၅
မန္တလေးတိုင်း၊ မန္တလေးမြို့၊ အိုးဘိုအကျဉ်းထောင်အတွင်း၌ မြေလျင်ဘေးဒဏ်သင့်မှုကြောင့် နိုင်ငံရေး အကျဉ်းသူ ၆ ဦးကျဆုံးခဲ့ကြောင်း မြန်မာနိုင်ငံလုံးဆိုင်ရာနိုင်ငံရေးအကျဉ်းသားများကွန်ရက်- PPNM က ထုတ်ပြန်သည်။
မတ်လ ၂၈ ရက်နေ့က လှုပ်ခတ်ခဲ့သည့် မြေငလျင်ကြောင့် မန္တလေးမြို့ ၊ အိုးဘိုအကျဉ်းထောင် အ တွင်းရှိ အမျိုးသမီးအဆောင် ၁ နှင့် အဆောင် ၂ တို့ ပြိုကျခဲ့ကြောင်း၊ ထိုသို့ ပြုကျခဲ့သည့်အတွက် ယင်းအဆောင်များတွင် မတရားဖမ်းဆီးအကျဉ်းချခံထားရသည့် နိုင်ငံရေးအကျဉ်းသူများထဲမှ ၊ မမိုး သူဇာခိုင် ၊ ဒေါ်လဲ့လဲ့စိုး ၊ ဒေါ်ခင်အုန်းရွှေ ၊ မကေကေဝင်း ၊ မပပဝင်း နှင့် မဖူးဝေဝေ တို့ကျဆုံးခဲ့ ကြောင်း သိရသည်။
ငလျင်ကြောင့် အိုးဘိုထောင်တွင် အနည်းဆုံး လူ ၁၂ ဦးသေဆုံးမှုရှိခဲ့ပြီး သတင်းအချက်အလက် ရရှိ မှုအပေါ်မှုတည်၍ PPNM အနေဖြင့် စုံစမ်းအတည်ပြုခဲ့ရာ အထက်ဖော်ပြပါ နိုင်ငံရေးအကျဉ်းသူ (၆)ဦး ပါဝင်ခဲ့ခြင်းဖြစ်ကြောင်း သိရသည်။
Thanlwin Myanmar Media
