0
0
Read Time:1 Minute, 4 Second
ကဗျာကဏ္ဍ “ရောင်စုံအလှ”
ပျိုးကြဲလက်
ငွေသော်တာ လရထားနဲ့
တိမ်သားနု နှစ်ပါးဆိုင် ။
မာနတွေ ကိုယ်စီတက်လို့
တုလှဖက်ပြိုင် ။
ဘယ်သူသာ၍ လှပါနိုင်
နှစ်ပါးဆိုင်မှ နိုင်စတမ်း ။
တိမ်လွှာမှာ လရောင်ဖောက်ရင်
လွမ်းလောက်ခမန်း ။
ဝသန်ခါ ဝါဆိုမိုးက
မြစ်ကျိုးအောင် ဖြိုင်ဖြိုင်ရွာ ။
ပုလဲမျက်ရည် တပေါက်မိုးနဲ့
အိုးမပြည့်ရာ ။
စုစည်းကြလို့ တမျိုးသာ
ရေကာတာပင် တိုက်ချိုး ။
အရာရာ ညီညွတ်အားက
ပွါးလို့ဆတိုး ။
ဝသုန္ဓရေ စုံကန်ရပ်တဲ့
ပုန်ကန်တပ်ရဲ့ မောင်မယ်တွေ ။
ဂုဏ်အာဏာ မာနတရားတို့
ပလွှားနဲ့လေ ။
ပေါင်းစုအားနဲ့ စည်းရုံးစေ
အောင်ပွဲမသွေ ရနေမြဲ ။
ပြည့်ဝန်ကို လူစုံထမ်းမှ
လမ်းဖြောင့်မှာပဲ ။ ။
ပျိုးကြဲလက်
ကဗျာရေးသားချိန် = ၂၀၂၅ ခုနှစ်၊ မတ်လ ၂၆ ရက် မွန်းလွဲ ၃ နာရီ ၁၂ မိနစ်
Thanlwin Myanmar Media
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
