0
0
ငလျင်ဘေးသင့်ပြည်သူများအတွက် ကျပ်သိန်းပေါင်း ၁ သောင်း ၇ ကျော်ရရှိပြီး မြို့နယ် ၂၁ မြို့နယ် တွင် သိန်းပေါင်း ၈၇၀၀ ကျော်လှူဒါန်းထားဟု NUG ထုတ်ပြန် (ရုပ်သံ)
သံလွင်မြန်မာသတင်း
ဧပြီလ ၃
ငလျင်ဘေးသင့်ပြည်သူများအတွက် ကျပ်သိန်းပေါင်း ၁ သောင်း ၇ ကျော်ရရှိပြီး မြို့နယ် ၂၁ မြို့နယ် တွင် သိန်းပေါင်း ၈၇၀၀ ကျော်လှူဒါန်းထားထားကြောင်း NUG အစိုးရ ၊ လူသားချင်းစာနာထောက် ထားရေးနှင့် ဘေးအန္တရာယ်ဆိုင်ရာစီမံခန့်ခွဲရေး ဝန်ကြီးဌာန ၊ ပြည်ထောင်စုဝန်ကြီး ဒေါက်တာဝင်း မြတ်အေးက ပြောကြားသည်။
အမျိုးသားညီညွတ်ရေးအစိုးရ၊ လူသားချင်းစာနာ ထောက်ထားရေးနှင့် ဘေးအန္တရာယ်ဆိုင်ရာ စီမံခန့် ခွဲရေးဝန်ကြီးဌာနအနေဖြင့် လတ်တလောဖြစ်ပွားခဲ့သည့် ငလျင်ဘေးဒဏ်ကြောင့်အရေးပေါ်ထောက် ပံ့ကူညီမှုများကို လိုအပ်လျက်ရှိနေသော နေရာ ဒေသအသီးသီးမှ ငလျင်ဘေးဒဏ်သင့် ပြည်သူများထံ ဝန်ကြီးဌာနက လက်ခံရရှိထားသော အလှူငွေများကို ဘေးဒဏ်သင့်ဒေသများတွင် ကူညီကယ်ဆယ် ရေး၊ အရေးပေါ် စားနပ်ရိက္ခာထောက်ပံ့ရေး လုပ်ငန်းများ ဆောင်ရွက်နိုင်ရန်အတွက် ငလျင်ဘေး ဒဏ်သင့် ပြည်သူများထံသို့ အကူအညီများရောက်ရှိစေရေး ဆောင်ရွက်ပေးနေသာ အဖွဲ့အစည်းများ နှင့် ချိတ်ဆက် ထောက်ပံ့လျက်ရှိပါကြောင်း အသိပေးထားသည်။
“ဧပြီလ ၂ ရက်နေ့အထိ ငလျင်ဘေးတုန့်ပြန်ဖို့အတွက် ရရှိထားတဲ့အလှူငွေပမာဏဟာ ကျပ်သိန်း ပေါင်း ၁ သောင်း ၇ ထောင် ၁ ရာ ၃၃ သိန်း ၂ သောင်း ၈ ထောင် ၅ ရာ ၆၈ ကျပ် ဖြစ်ပါတယ်။ ငလျင် ဘေးသင့်ခဲ့တဲ့ တိုင်းဒေသကြီး ၃ ခုမှာရှိတဲ့ မြို့နယ် ၂၁ မြို့နယ်မှာ ငလျင်ဘေးသင့်ပြည်သူတွေ အ တွက် ထောက်ပံ့နေတဲ့ ပမာဏဟာ ကျပ်သိန်းပေါင်း ၈ ထောင် ၇ ရာ ၅၇ သိန်း ၂ သောင်း ၆ ထောင် ဖြစ်ပြီးတော့ လက်ကျန်ငွေကတော့ ကျပ်သိန်းပေါင်း ၈ ထောင် ၈ ရာ ၇၆ သိန်း ၂ ထောင် ၅ ရာ ၆၈ ကျပ်ဖြစ်ပါတယ်။ ကျနော်တို့ ထိထိရောက်ရောက် ဆောင်ရွက်နေကြပါတယ်။ ရရှိမှုနဲ့ ထောက်ပံ့မှု တန်ဖိုးတွေဟာ အချိန်နဲ့အမျှပြောင်းလဲ တိုးတက်နေတာဖြစ်ပါတယ်။” ဟု ပြည်ထောင်စုဝန်ကြီး ဒေါက်တာဝင်းမြတ်အေးက ပြောကြားသည်။
Thanlwin Myanmar Media
