0
0
မြေငလျင်ဘေးဒဏ်ကူညီကယ်ဆယ်ရေးလုပ်ငန်များဆောင်ရွက်နိုင်ရန် KIO/KIA က ရက် ၂၀ ကြာ အပစ်အခတ်ရပ်စဲ၊ စစ်ကောင်စီအနေဖြင့် ၎င်းတို့ထုတ်ပြန်ချက်ပါ အချက်အတိုင်းလိုက်နာရန်လိုအပ် ဟု သတိပေး
သံလွင်မြန်မာသတင်း
ဧပြီလ ၃
မြေငလျင်ဘေးဒဏ်ကူညီကယ်ဆယ်ရေး လုပ်ငန်းများ ဆောင်ရွက်နိုင်ရန်အတွက် KIO/KIA က ရက် ၂၀ ကြာ အပစ်အခတ်ရပ်စဲပေးလိုက်ပြီး စစ်ကောင်စီအနေဖြင့် ၎င်းတို့ ထုတ်ပြန်ချက်ပါ အချက်အ တိုင်း လိုက်နာရန် လိုအပ်ကြောင်း သတိပေးထားသည်။
ဧပြီလ ၂ ရက်နေ့မှ ၂၂ ရက်နေ့အထိ စစ်ကောင်စီ၏ တပ်မတော်ကာကွယ်ရေးဦးစီးချုပ်ရုံးမှ ယာယီ ပစ်ခတ်တိုက်ခိုက်မှုရပ်စဲရေး ထုတ်ပြန်ချက်တရပ် ထုတ်ပြန်သည်ကို သိရှိရပါကြောင်း၊ ဤထုတ်ပြန် ချက်သည် မတ်လ ၂၈ ရက်နေ့တွင် လှုပ်ခတ်ခဲ့သော အင်အားအလွန်ပြင်း မြေငလျင်ဘေးဒါဏ် ကူညီ ကယ် ဆယ်ရေးလုပ်ငန်းများ ဆောင်ရွက်နိုင်ရန်အတွက် ထုတ်ပြန် ခြင်းဖြစ်သည်ဟု နားလည်ရပါ ကြောင်း KIO/KIA က ပြောဆိုထားသည်။
သို့ဖြစ်ပါ၍ KIO အနေဖြင့်လည်း ၂၀၂၅ ခုနှစ် ဧပြီလ (၂) ရက်နေ့မှ ၂၀၂၅ ခုနှစ် ဧပြီလ (၂၂) ရက်နေ့ အထိ ခုခံကာကွယ်ခြင်းမှအပ ထိုးစစ်ဆင်တိုက်ခိုက်မှုများကို ရပ်ဆိုင်းထားမည် ဖြစ်ကြောင်း၊ တပ်မ တော်ကာကွယ်ရေးဦးစီးချုပ်ရုံး၏ ထုတ်ပြန်ချက် အပိုဒ် ၄ ပါ အကြောင်းအရာ အချက်အလက်များကို တိုင်းရင်းသားတော်လှန်ရေးအဖွဲ့နှင့် တော်လှန်ရေးတပ်ဖွဲ့များသာမက မြန်မာ့တပ်မတော်ဘက်က လည်း လိုက်နာရန်လိုအပ်ကြောင်း အသိပေးထားသည်။
စစ်ကောင်စီ၏ တပ်မတော်ကာကွယ်ရေးဦးစီးချုပ်ရုံး၏ ထုတ်ပြန်ချက် အပိုဒ် ၄ တွင် “ယာယီပစ်ခတ် တိုက်ခိုက်မှု ထုတ်ပြန်ကြေညာသည့်ကာလအတွင်း တိုင်းရင်းသား လက်နက်ကိုင်အဖွဲ့များနှင့်အခြား လက်နက်ကိုင်အဖွဲ့များအနေဖြင့် အများပြည်သူသွားလာ အသုံးပြုလျက်ရှိသည့် ဆက်သွယ်ရေး လမ်း ကြောင်းများအား နှောင့်ယှက်တိုက်ခိုက်ခြင်းနှင့် ထိခိုက်ပျက်စီးစေခြင်း ၊ ပြည်သူလူထု၏ အသက်အိုး အိမ်စည်းစိမ်ကို ထိခိုက်ပျက်စီးစေခြင်း ၊ လုံခြုံရေးနှင့်တရားဥပဒေ စိုးမိုးရေးတာဝန်ထမ်းဆောင် လျက် ရှိသည့် လုံခြုံရေးတပ်ဖွဲ့ဝင်များ၊ တပ်စခန်းများအား တိုက်ခိုက်ခြင်း ၊ တပ်ဌာနချုပ်များကို နှောင့်ယှက်တိုက်ခိုက်ခြင်း ၊ ငြိမ်းချမ်းရေးကို ထိခိုက်ပျက်စီးစေသည့် အင်အားစုဆောင်းခြင်း ၊ ပြင် ဆင်စုဖွဲ့ခြင်း ၊ နယ်မြေချဲ့ထွင်ခြင်းများကို မပြုရန်” ဟု ဖော်ပြထားသည်။
စစ်ကောင်စီထုတ်ပြန်သည့် “No ၄ သည် တိုက်ပွဲဆင်နွှဲနေသူများအားလုံး (SACလည်း) လိုက်နာရန် လိုအပ်။ ပြန်လည်ထူထောင်ရေးကို ရေရှည်လုပ်ရမည်ဖြစ်” ဟု KIO မှ ဒုတိယဥက္ကဋ္ဌ ဒုဗိုလ်ချုပ်ကြီး ဂွန်မော်က တုံ့ပြန်မှတ်ချက်ပြုထားသည်။
Thanlwin Myanmar Media
