0
0
ဖရူဆိုမြို့အတွင်းရှိ ပြည်သူ့နေအိမ်များကို စစ်ကောင်စီတပ်က အကြောင်းမဲ့မီးရှို့ဖျက်ဆီးခဲ့သဖြင့် နေအိမ် ၆ လုံးထက်မနည်း မီးလောင်ပြာကျ (ရုပ်သံ)
သံလွင်မြန်မာသတင်း
ဧပြီလ ၃
ကရင်နီပြည်နယ်၊ ဖရူဆိုမြို့အတွင်းရှိ ပြည်သူ့နေအိမ်များကို စစ်ကောင်စီတပ်ဖွဲ့က အကြောင်းမဲ့ မီးရှို့ ဖျက်ဆီးခဲ့သဖြင့် နေအိမ် ၆ လုံးထက်မနည်း မီးလောင်ပြာကျခဲ့ကြေင်း KNDF ဗဟို သတင်းနှင့်ပြန် ကြားရေး ဌာနထံမှ သိရသည်။
မတ်လ ၃၁ ရက်နေ့က ဖရူဆိုမြို့တွင်းရှိ ပြည်သူလူထု၏ နေအိမ်များကို ဖရူဆိုမြို့မရဲစခန်းတွင် ခြေ ကုပ်ယူထားသော စစ်ကောင်စီတပ်က တိုက်ပွဲ ဖြစ်ပွားမှု တစ်စုံတစ်ရာမရှိဘဲ အကြောင်းမဲ့ မီးရှို့ဖျက် ဆီးခြင်းများ လုပ်ဆောင်ခဲ့ရာ ဧပြီလ ၁ ရက် ည ပိုင်းအထိ ပြည်သူ့နေအိမ်များ မီးလောင်ကျွမ်းနေခဲ့ပြီး နေအိမ် ၆ လုံးထက်မနည်းမီးလောင်ပျက်စီးခဲ့ကြောင်း သိရသည်။
“ဖရူဆိုမြို့ပေါ်မှာတော့ စစ်ကောင်စီက ဒေသအခြေစိုက်တပ် ၂ တပ်ရှိတယ်။ ၄၂၈ ၊ ၅၃၁ ၊ နောက်ပြီး တော့အမှတ် ၁၄ စစ်လေ့ကျင့်ရေးသင်တန်းကျောင်း အဲဒီ ၃ ခုရှိတယ်ဆိုတော့ အင်အားက ထောင်ချီရှိ သေးတယ်။ ဖရူဆိုမြို့ထဲမှာ တိုက်ပွဲဖြစ်ပွားခြင်းမရှိပဲနဲ့ ဒီလိုလူနေရပ်ကွက်တွေကို မီးလိုက်ရှို့နေတာ၊ ဒါကို ကြည့်ခြင်းအားဖြင့် စစ်ကောင်စီက ပြည်သူလူထုရဲ့ အသက်အိုးအိမ်စည်းစိမ်ကို ပဓာနမထားပဲနဲ့ အဓိက သူတို့တပ်တွေလုံခြုံဖို့ မိုင်းထောင်တာတွေ၊ မြင်ကွင်းရှင်းအောင်လုပ်တာတွေကို စစ်ရေး အရ လုပ်ဆောင်နေတာပဲဖြစ်ပါတယ်။” KNDF ဗဟို သတင်းနှင့်ပြန် ကြားရေး ဌာနမှ တာဝန်ရှိသူတစ်ဦး က ပြောကြားသည်။
ဖရူဆိုမြို့တွင် တိုက်ပွဲမရှိသည်မှာ ကြာမြင့်ပြီ ဖြစ်ပြီး မြို့တွင်း၌လည်း ဒေသနေပြည်သူလူထုများ နေထိုင်မှုမရှိဘဲ စစ်ဘေးရျောင်နေကြရကြောင်း၊ ဖရူဆိုမြို့တွင်း၌ စစ်ကောင်စီတပ်ဖွဲ့များနှင့် ၎င်းတို့ ၏ နောက်လိုက်များသာ နေထိုင်လျက်ရှိကြောင်း သိရသည်။
ထို့ကြောင်း စစ်ကောင်စီတပ်သားများနှင့် ၎င်းတို့၏မိသားစုဝင်များမှာ ပြည်သူလူထူများ၏ ပစ္စည်း များ၊ နေအိမ်များအား ဖောက်ထွင်းယူဆောင်ခြင်း ၊ မီးရှို့ဖျက်ဆီးနေခြင်း များကို ဥပဒေမဲ့ပြုလုပ်ကာ လူ့အခွင့်ရေးချိုးဖောက်သည့် လုပ်ငန်းများကို လုပ်ဆောင်လျက်ရှိကြောင်း၊ ကရင်နီအမျိုးသားများ ကာကွယ်ရေးတပ်- KNDF ဗဟိုသတင်းနှင့်ပြန်ကြားရေးဌာနက ထုတ်ပြန်ထားသည်။
Thanlwin Myanmar Media
