0
0
ငလျင်ဘေးဒဏ်သင့် အင်းလေးဒေသကို စစ်တပ်နှင့်PNO ပြည်သူ့စစ်များက ဒရုန်း၊ လက်နက်ကြီးဖြင့် တိုက်ခိုက်မှု ပြည်သူ့နေအိမ် ၃ လုံးပျက်စီး
သံလွင်မြန်မာသတင်း
ဧပြီလ ၂
ရှမ်းပြည်နယ်တောင်ပိုင်း၊ ညောင်ရွှေမြို့နယ်၊ ငလျင်ဘေးဒဏ်သင့် အင်လေးဒေသကို စစ်တပ်နှင့် PNO ပြည်သူ့စစ်များက ဒရုန်း၊ လက်နက်ကြီးဖြင့် တိုက်ခိုက်ခဲ့ရာ ပြည်သူ့နေအိမ် ၃ လုံးပျက်စီးခဲ့ ကြောင်း အင်းလေးလူထုလှုပ်ရှားမှုအဖွဲ့ထံမှ သိရသည်။
မတ်လ ၃၁ ရက် နံနက် ၆ နာရီခန့်က ညောင်ရွှေမြို့နယ်၊ အင်းလေးဒေသတောင်ပိုင်းရှိ စစ်ဘေး ရှောင်နေရသော ကျေးရွာ များကို အကြမ်းဖက်စစ်တပ်နှင့် PNA ပြည်သူ့စစ်တို့က ဒရုန်း၊ လက်နက် ကြီးများဖြင့် ၈ ကြိမ် ပစ်ခတ် တိုက်ခိုက်ခဲ့ရာ ပြည်သူ့နေအိမ် ၂ လုံးပျက်စီးခဲ့ကြောင်း၊ အလားတူ မတ်လ ၃၁ ရက် ညနေ ၆ နာရီက ၆ ကြိမ် ပစ်ခတ်တိုက်ခိုက်ခဲ့ရာ ပြည်သူ့နေအိမ် ၁ လုံးပျက်စီးခဲ့ ကြောင်း သိရသည်။
အဆိုပါ ညောင်ရွှေမြို့နယ်၊ အင်းလေးဒေသသည် ငလျင်ဘေးသင့်ခဲ့ပြီး ပြည်သူများ ထိခိုက်သေဆုံးမှု များပြားကာ ဘုရားစေတီ ပုထိုး၊ နေအိမ်အဆောက်အအုံပေါင်းများစွာ ပျက်စီးခဲ့ကြောင်း၊ ထိုသို့ ငလျင်ဘေးဒဏ်သင့် ဒေသကို စစ်ကောင်စီ၏ စစ်တပ်နှင့် PNA/PNO တို့က မကူညီသည့်အပြင် လက်နက်ကြီး ၊ ဒရုန်းများဖြင့် နေ့စဉ် တိုက်ခိုက်နေခြင်းဖြစ်ကြောင်း အင်းလေးလူ့အခွင့်အရေး အဖွဲ့ က ထုတ်ပြန်ထားသည်။
အင်းလေးဒေသရှိ ရေပေါ်ကျေးရွာများတွင် မြေငလျင်ဒဏ်ကြောင့် သေဆုံးသူ ၈၉ ဦး အထိရှိပြီဖြစ်ပြီး အိမ်ခြေပေါင်း ၂၃၃၇ လုံး ပျက်စီးခဲ့ကြောင်း သိရသည်။
နိုင်ငံတဝှမ်း မြေငလျင်ဒဏ်ကြုံနေရချိန်တွင် အကြမ်းဖက် စစ်ကောင်စီက ရှမ်းပြည်အပါအဝင် ကရင် နီပြည် ၊ စစ်ကိုင်းတိုင်း ၊ မကွေးတိုင်း နှင့် မန္တလေးတိုင်း တို့တွင် လေကြောင်းဖြင့် ဗုံးကျဲမှု ၊ လက်နက် ကြီး ပစ်ခတ်မှုများ ဆက်တိုက်ပြုလုပ်နေကြောင်း သိရသည်။
Thanlwin Myanmar Media
