0
0
ကဗျာကဏ္ဍ “လူ့ဂုဏ်ပျက်ချိန်”
ပျိုးကြဲလက်
အရာရှိများ ၊ ဂုဏ်ပလွှား၍
ငယ်သားရဲမက် ၊ သရေပျက်သည့်
ပြည်ဖျက်ပွဲတွင် ၊ အာဏာ့ရှင်၏
ဆင်ခြင်မဲ့ငြား ၊ ကျွန်ငနွားတို့
မှတ်သားပါလော့ ၊ သိပါတော့ ။
လာဘ်လာဘများ ၊ ရရှိငြားက
ငယ်သားမသိ ၊ အရာရှိတို့
ဖုံးဖိယူငင် ၊ ခိုးပွဲဆင်သည်
အသင်ငတိ ၊ မှတ်သားဘိ ။
ဥစ္စာစီးပွါး ၊ ပိုင်ဆိုင်ထားသော်
ငယ်သားမှန်လျှင် ၊ ကျွန်သို့ထင်၍
နှိမ်ချင်ပါဘိ ၊ ဆန်းစစ်ကြည့် ။
အပျော်အပါး ၊ ဇိမ်မယ်များနှင့်
အိပ်စားကာမ ၊ နှီးနှောကြလျှင်
ကလူပါဘိ ၊ ကြူပါ၏ ။
တာဝန်လွဲချော် ၊ အပြစ်ပေါ်က
အော်သံမစဲ ၊ မြင်ရာဆဲ၍
လွှဲချငယ်သား ၊ ထုတ်ပယ်သွားမည်
မှတ်သားကြလော့ ၊ မှတ်ပါတော့ ။
ဝန်ထမ်းရဲမက် ၊ ဘဝဖျက်သည့်
နှစ်သက်မဲ့တုံ ၊ ကျွန့်ဇာတ်ခုံမှ
ကြုံခိုက်ကြုံဆဲ ၊ တော်လှန်ပွဲတွင်
ရဲရဲဘက်ပြောင်း ၊ အောင်စေကြောင်းနှင့်
စုပေါင်းအားတို့ဆောင်ပါလော့ ။
(. ကွယ် )
ယခုကောင်းစားဖို့အမောင်လာတော့ ။ ။
ပျိုးကြဲလက်
ကဗျာရေးသားချိန် = ၂၀၂၅ ခုနှစ်၊ မတ်လ ၁၉ ရက် မွန်းလွဲ ၂ နာရီ ၃၅ မိနစ်
Thanlwin Myanmar Media
