0
0
ကဗျာကဏ္ဍ “ရဲဘော် ရွှေဂျူး”
မိုးထက်ဇော် (ပုံတောင်သား)
ရဲဘော်ရွှေဂျူး ၊ သည်နွေဦးမှာ
ခွင့်ထူးမယူ၊ ထောက်ပို့ကူ၍
သူမတူအောင် ၊ ထမ်းရွက်ဆောင်သည်
အောင်မြင်စေကြောင်းတို့ဆုတောင်း။
တိုင်းပြည်အရေး၊ တော်လှန်သွေးမို့
စွေးစွေးနီးမြန်း ၊ သူမျှော်မှန်းသည်
ရွှင်လန်းကြ၍ ပျော်စေကြောင်း။
ထောက်ပို့ရာတွင် ၊ သူကျွမ်းကျင်သည်
မြေပြင်ဖြန့်ထား၊ တပ်ဖွဲ့များထံ
အပ်ငြားပါဘိ ၊ လျင်မြန်ဘိ။
ထောက်ပို့ပြည်သူ ၊ ယုံကြည်မူ၍
ထိုသူငါတို့ ၊ ဆက်သွယ်ပို့သော်
တို့တို့တိတိ ၊ သတိရှိလျှက်
ကိုယ်ဖိရင်ဖိ ၊ စောင့်ရှောက်၏ ။
မိစ္ဆာမျိုးယုတ် ၊ အမြစ်ပြုတ်ဖို့
ထုတ်လှူသလေ၊ မတွေဝေပဲ
သူလေထောက်ပို့ စွမ်းပါဘိ။
ထောက်ပို့ရွှေဂျူး ၊ အာဏာရူးကို
ကြောက်ဒူးတုန်စေ ၊ ရဲဘော်တွေနှင့်
ရေမြေမခြား ၊ မကွဲပြားဘဲ
တသားတည်းရှိ ၊ ထူးပါ၏ ။
စီဒီအမ်လည်း ၊ ကူညီဆဲတည့်
အမြဲလိုအင် ၊ ဖြည့်ဆည်းချင်သည်
ခင်မင်မေတ္တာ ထားနိုင်သူ။
တွင်တွင်ပစ်ခွါမသွားနိုင်သူ ။
ထောက်ပို့ရဲဘော်၊ ကူကြနော်ဟု
နှိုးဆော်သမှု ၊ အစဉ်ပြုလျှက်
ယခုလက်ငင်း ၊ စာရင်းရှင်း၍
ပွင့်လင်းဘိသော် ၊ ပွဲတိုင်းကျော်လျှက်
ရဲဘော်ရွှေဂျူး ၊ တပ်တော်ဦးမှာ
ဂုဏ်ထူးပါဘိ ၊ ထူးပါ၏ ။ ။
မိုးထက်ဇော် (ပုံတောင်းသား)
ကဗျာရေးသားချိန် = ၂၀၂၅ ခုနှစ်၊ မတ်လ ၂၁ ရက် ည ၉ နာရီ ၁၇ မိနစ်
မတ်လ ၂၁ ရက်နေ့တွင် ကျရောက်သော ကမ္ဘာ့ကဗျာနေ့အထိမ်းအမှတ် “ရဲဘော် ရွှေဂျူး” နှင့် တကွ ထောက်ပို့ ရဲဘော်အားလုံးကို ဤကဗျာဖြင့် ဂုဏ်ပြုအပ်ပါသည်။
Thanlwin Myanmar Media
