0
0
မွန်ပြည်နယ်နှင့်ကရင်ပြည်နယ်ကို ဆက်သွယ်ထားသည့် ဂျိုုင်းတံတားဖွင့်ပွဲပြုလုပ်စဉ် ဒရုန်းဖြင့် ဗုံး ကြဲ တိုက်ခိုက်မှု စကစခန့် ကရင်ပြည်နယ်ဝန်ကြီးချုပ်နဲ့အပါင်းပါများ ကသုတ်ကရက်ထွက်ပြေး၊ စစ်သား ၃ ဦးဒဏ်ရာရ
သံလွင်မြန်မာသတင်း
မတ်လ ၁၀
မွန်ပြည်နယ် နှင့်ကရင်ပြည်နယ်သို့ ဆက်သွယ်ထားသည့် ဂျိုင်းတံတားဖွင့်ပွဲပြုလုပ်နေစဉ် ဒရုန်းဖြင့် ဗုံးကြဲတိုက်ခိုက်ခဲ့ရာ အကြမ်းဖက်စစ်ကောင်စီခန့် ကရင်ပြည်နယ်ဝန်ကြီးချုပ်နှင့်အပေါင်းပါများ ကသုတ်ကရင်ထွက်ပြေးသွားကြောင်း Mon Liberation Army ထံမှ သိရသည်။
ယမန်နေ့ မတ်လ ၉ ရက် နံနက် ၅ နာရီ ၃၈ မိနစ်တွင် မွန်ပြည်လွတ်မြောက်ရေးတပ်တော် (MLA) ၏ Spring UAV Force – G3 Fixed-wing ဒရုန်းအဖွဲ့မှ ဒရုန်းဖြင့် ဗုံးသီး ၁ လုံး၊ ၅ နာရီ ၄၃ မိနစ်တွင် ဗုံး သီး ၁ လုံး ၊ ၈ နာရီ ၃၀ မိနစ်တွင် ဗုံးသီး ၁ လုံးစုစုပေါင်း ၃ လုံးကြဲချတိုက်ခိုက်ခဲ့ကြောင်း သိရသည်။
ထိုသို့ ကြဲချတိုက်ခိုက်မှုကြောင့် စစ်ကောင်စီ၏ ဂျိုင်းတံတားသစ်ဖွင့်ပွဲအခမ်းအနားသို့ တက်ရောက် နေကြသည့် အကြမ်းဖက်စစ်ကောင်စီခန့် ဦးမျိုးသန့် (ဆောက်လုပ်ရေး ဝန်ကြီးဌာန၊ပြည်ထောင်စု ဝန်ကြီး) ၊ ဦးစောမြင့်ဦး (ကရင်ပြည်နယ်ဝန်ကြီးချုပ်) ၊ ဗိုလ်-မှူး-ကြီး- ဗညားဝင်း (ဒုတိုင်းမှူး-အရှေ့ တောင်တိုင်းစစ်ဌာနချုပ်) ၊ ဦးညွှန့်လင်း (ကရင်ပြည်နယ် တရားလွတ်တော် တရားသူကြီးချုပ်) နှင့် ဦးညီညီဇော် (ကရင်ပြည်နယ် လမ်းပန်း ဆက်သွယ်ရေးရာဝန်ကြီး) တို့သည် ဖဲကြိုးဖြတ်ပြီးလျှင် ပြီးချင်း ကသုတ်ကရက် ထွက်ပြေးသွားကြောင်း သိရသည်။
ယင်းတိုက်ခိုက်မှုအတွင်း အကြမ်းဖက်စစ်ကောင်စီတပ်သား ၃ ဦး ထိခိုက်ဒဏ်ရာရရှိခဲ့ပြီး ၎င်းတို့ကို ကားဖြင့် သယ်ထုတ်သွားကြောင်း သိရသည်။
အဆိုပါတိုက်ပွဲတွင် စစ်ကောင်စီ၏ ကော့ကရိတ်မြို့နယ်၊ ကျုံဒိုးမြို့ အခြေစိုက် ခမရ (၅၄၅) ၊ (၅၄၆) နှင့် ဗျူဟာကုန်းရှိ Jammer များကြောင့် ဒရုန်းဗုံးသီး လွှင့်စင်ခဲ့ရာ တံတားဟောင်းအောက်ဘက်ခြမ်း မူလတန်းကျောင်းအနီးမှ ဈေးသည်တစ်ဦး (မစိုးရိမ်ရ) ဒဏ်ရာရရှိခဲ့ကြောင်း သိရသည်။
ထို့ကြောင့် မိဘပြည်သူများအနေဖြင့် စစ်ကောင်စီမှ ပြုလုပ်သော ပွဲလမ်းသဘင်၊ အခမ်းအနားများနှင့် နီးကပ်စွာ နေထိုင်ခြင်းမပြုကြရန် မေတ္တာရပ်ခံအသိပေးထားသည်။
Thanlwin Myanmar Media
