0
0
ထားဝယ်မြစ်ကြောင်းအတိုင်း စုန်ဆင်းလာသော စစ်တပ် ကွန်တိန်နာသင်္ဘောတစ်စီးကို ပစ်ခတ် တိုက်ခိုက်မှု စစ်သားများ ထိခိုက်သေဆုံးမှုရှိ (ရုပ်သံ)
သံလွင်မြန်မာသတင်း
မတ်လ ၅
တနင်္သာရီတိုင်း၊ ထားဝယ်မြစ်ကြောင်းအတိုင်း စုန်ဆင်းလာသော စစ်ကောင်စီတပ် ကွန်တိန်နာ သင်္ဘောကို ပစ်ခတ်တိုက်ခိုက်ခဲ့ရာ စစ်သားများ ထိခိုက်သေဆုံးမှုရှိကြောင်း လောင်းလုံးမြို့နယ် ပြည်သူ့ကာကွယ်ရေးတပ်ဖွဲ့ – LLPDF ထံမှ သိရသည်။
ယမန်နေ့ မတ်လ ၄ နာရီ ညနေ ၄ နာရီ ၃၀ မိနစ်က ထားဝယ်မြို့မှ ထား၀ယ်မြစ်ကြောင်းအတိုင်း ကွန်တိန်နာသင်္ဘောဖြင့် စုန်ဆင်းလာသည့် စစ်မှုထမ်းသင်တန်းသားများနှင့် ၎င်းတို့အားပို့ဆောင်ရန် လိုက်ပါ လာသည့် စစ်ကောင်စီတပ်သားများကို ထားဝယ်မြစ်ကြောင်းအတွင်း တနေရာ၌ ကြားဖြတ် တိုက်ခိုက်ခဲ့ရာ စစ်သားများ ထိခိုက်သေဆုံးမှုရှိပြီး အရေအတွက်အတိအကျသိရှိနိုင်ရန် စုံစမ်းနေဆဲ ဖြစ်ကြောင်း သိရဿည်။
အဆိုပါ တိုက်ခိုက်မှုကို လောင်းလုံးမြိုနယ်ပြည်သူ့ကာကွယ်ရေးတပ်ဖွဲ့နှင့် ထားဝယ်ပြည်သူ့ကာ ကွယ်ရေးတပ်ဖွဲ-DDT အပါအဝင် ပူးပေါင်းတပ်ဖွဲ့များမှ ပြည်သူ့ကာကွယ်ရေး ပူးပေါင်းတပ်ဖွဲ့ဝင်များ အထိအခိုက်မရှိ ပြန်လည် ဆုတ်ခွာနိုင်ခဲ့ကြောင်း သိရသည်။
ထား၀ယ်မြစ်ကြောင်းအတွင်း ရေကြောင်းအသုံးပြုသွားလာနေသည့် စစ်ကောင်စီတပ်သားများကို အချိန်မရွေး ၊ နေရာမရွေး ပစ်မှတ်ထားတိုက်ခိုက် ချေမှုန်းလျက်ရှိကြောင်း အသိပေးထားသည်။
ထို့ကြောင့် ထား၀ယ်မြစ်ကြောင်းအတွင်း သွားလာလှုပ်ရှားနေသည့် တံငါသည်များ၊ ငါးဖမ်းစက်လှေ များအနေဖြင့် အကြမ်းဖက်စစ်ကောင်စီနှင့် ပက်သက်ဆက်နွယ်ခြင်း ၊ စစ်ကောင်စီတပ်သားများအား တင်ဆောင်သွားလာခြင်း မပြုလုပ်ကြရန် အထူးတိုက်တွန်းထားသည်။
အကယ်၍ စစ်ကောင်စီတပ် အရွေ့အပြောင်းအတွက်ဖြစ်စေ ၊ စစ်ကူပို့ခြင်းအတွက်ဖြစ်စေ စစ် ကောင်စီများအား တင်ဆောင်သွားလာပါက စစ်ကောင်စီတပ်သားများကို ပစ်မှတ်ထားတိုက်ခိုက် ချေမှုန်းသွားမည်ဖြစ်ကြောင်း လောင်းလုံးမြို့နယ်ပြည်သူ့ကာကွယ်ရေးတပ်ဖွဲ့က ထုတ်ပြန်ထားသည်။
Thanlwin Myanmar Media
