0
0
နွေဦးတော်လှန်ရေး ၄ နှစ်တာကာလအတွင်း စစ်တပ်၏ ပစ်ခတ်ဖမ်းဆီးမှုကြောင့် ရေဘဝဲရဲဘော် ၁ ဦး ကျဆုံးခဲ့ရပြီး ၁၄ ဦး အကြမ်းဖက် ဖမ်းဆီးခံရ
သံလွင်မြန်မာသတင်း
ဖေဖော်ဝါရီလ ၂၈
နွေဦးတော်လှန်ရေး ၄ နှစ်တာကာလအတွင်း စစ်တပ်၏ ပစ်ခတ်ဖမ်းဆီးမှုကြောင့် ရေဘဝဲရဲဘော် ၁ ဦး ကျဆုံးခဲ့ရပြီး ၁၄ ဦး အကြမ်းဖက် ဖမ်းဆီးခံခဲ့ရကြောင်း ရေဘဝဲ (ပြည်သူ့အကျိုးပြု လူငယ် အဖွဲ့အစည်း) က ထုတ်ပြန်သည်။
ယနေ့ ဖေဖော်ဝါရီလ ၂၈ ရက်နေ့သည်ရေဘဝဲ (ပြည်သူ့အကျိုးပြု လူငယ်အဖွဲ့အစည်း) တည်ထောင် ခဲ့သည်မှာ ၄ နှစ်ပြည့်မြောက်ခဲ့သော နေ့ဖြစ်ကြောင်း၊ ၄ နှစ်တာကာလ နွေဦးတော်လှန်ရေး ခရီးကြမ်း အတွင်း လက်နက်မဲ့ နိုင်ငံရေး ပြုလုပ်နေစဉ် စစ်တပ်၏ ပစ်ခတ်ဖမ်းဆီးမှုကြောင့် ရေဘဝဲ ရဲဘော် ၁ ဦး ကျဆုံးခဲ့ရပြီး ၁၄ ဦး အကြမ်းဖက်ဖမ်းဆီးခံခဲ့ရကာ ၅ ဦးပြန်လည် လွတ်မြောက်ခဲ့ ကြောင်း သိရ သည်။
ရေဘဝဲ (ပြည်သူ့အကျိုးပြု လူငယ်အဖွဲ့အစည်း) အနေဖြင့် ၄ နှစ်တာကာလအတွင်း နွေဦး တော်လှန် ရေး လုပ်ငန်းစဉ် ၃ ရပ်ဖြစ်သော ပြောက်ကျား သပိတ်တိုက်ပွဲများ နှင့် လှုံဆော်စာတန်းချိတ်ဆွဲခြင်း ၁၁၅ ကြိမ် ၊ လူမှုရေးပြစ်ဒဏ်၊ စီးပွားရေးပြစ် ဒဏ်နှင့် ကမ်ပိန်းပြုလုပ်ခြင်းများတွင် လူထုပါဝင်လာ စေရန် စည်းရုံးလှုဆော်ခြင်း ၁၆၁ ကြိမ် ၊ လူ ငယ်ဗဟိုပြု အခမဲ့ ပညာရေးသင်တန်း ဖွင့်လှစ် သင် ကြားခြင်း ၇ ကြိမ် လုပ်ဆောင်နိုင်ခဲ့ကြောင်း သိရသည်။
နွေဦးတော်လှန်ရေး ၄ နှစ်တာကာလ အတွင်း ထမင်းတလုတ်ရေတမှုတ်ထောက်ပို့ ပေးကြသော မိဘ ပြည်သူများအားလည်းကောင်း၊ အသက်၊ သွေး၊ ချွေး၊ မိသားစုတို့ကို စွန့်လွှတ်ကာ တော်လှန်ရေးတာ ဝန်အသီးသီးကို စနစ်တကျထမ်းရွက်နေကြသော ရေဘဝဲရဲဘော်များအားလည်းကောင်း၊ အကျဥ်း ထောင်နံရံများကြား ခက်ခဲပင်ပန်းစွာ တိုက်ပွဲဝင်နေကြသော နိုင်ငံရေးအကျဥ်းသား ရေဘဝဲ ရဲ ဘော်များအားလည်းကောင်း၊ ၊အသိပညာ၊ အတတ်ပညာများမျှဝေကာ ကူညီချိတ်ဆက်ပံ့ပိုးပေးကြ သော တော်လှန်ရေးညီအစ်ကိုမောင်နှမ မိတ်ဆွေများအားလုံး ကိုလည်းကောင်း အထူးပင်ကျေးဇူး တင် ဂုဏ်ပြုအပ်ပါကြောင်း အသိပေးထားသည်။
ယနေ့ကျရောက်သော ၄ နှစ်ပြည့်အခါသမယမှသည် ပြည်သူ့အသံနားထောင်၊ ပြည်သူနဲ့စကားပြော၊ ပြည်သူနဲ့လက်တွဲ၊ ပြည်သူ့အသည်း ရေဘဝဲ ဟူသောကျွန်ုပ်တို၏ဆောင်ပုဒ်နှင့်အညီ စစ်အာဏာရှင် စနစ်အလုံးစုံပျက်သုဥ်းရေး၊ ဖက်ဒရယ်ဒီမိုကရေစီပြည်ထောင်စုနိုင်ငံတော်သစ် တည်ဆောက်ရေး အတွက် ရေဘဝဲအလံတော်ကို လက်ဆင့်ကမ်းလွှင့်ထူကာ သယ်ပိုးထမ်းရွက်သွားမည်ဟု သစ္စာအဓိဌာန်ပြုပါကြောင်း ထုတ်ပြန်ထားသည်။
Thanlwin Myanmar Media
