0
0
ပြည်ထောင်စုလွှတ်တော် ကိုယ်စားပြုကော်မတီ – CRPH ကိုယ်စားလှယ်များနှင့် လူ့အခွင့်အရေး ဆိုင်ရာ အာစီယံပါလီမန်အဖွဲ့တို့ တွေ့ဆုံ
သံလွင်မြန်မာသတင်း
ဖေဖော်ဝါရီလ ၂၈
ပြည်ထောင်စုလွှတ်တော်ကိုယ်စားပြုကော်မတီ – CRPH ကိုယ်စားလှယ်များနှင့် လူ့အခွင့်အရေး ဆိုင်ရာ အာစီယံပါလီမန်အဖွဲ့တို့တွေ့ဆုံခဲ့ကြောင်း ပြည်ထောင်စုလွှတ်တော်ကိုယ်စားပြုကော်မတီ -CRPH က ထုတ်ပြန်သည်။
ဖေဖော်ဝါရီလ ၂၆ ရက် ပြည်ထောင်စုလွှတ်တော် ကိုယ်စားပြုကော်မတီ – CRPH အတွင်းရေးမှူး အဖွဲ့ဝင် ဦးထွန်းမြင့် ဦးဆောင်သော ကိုယ်စားလှယ်အဖွဲ့နှင့် လူ့အခွင့်အရေးဆိုင်ရာ အာဆီယံပါလီ မန် အမတ်များအဖွဲ့ (ASEAN Parliamentarians for Human Rights – APHR)၏ ဥက္ကဋ္ဌ Hon. Mercy Chriesty Barends ၊ ပူးတွဲ ဥက္ကဋ္ဌ Hon. Charles Santiago နှင့်အဖွဲ့တို့ ၁ နာရီကျော်ကြာ တွေ့ဆုံဆွေးနွေးခဲ့ကြောင်း သိရသည်။
ထို့သို့ တွေ့ဆုံမှုတွင် တော်လှန်ရေးကာလ၏ လွှတ်တော်လုပ်ငန်းစဉ်များ သတ္တမအကြိမ် ကြားကာ လ ပြည်ထောင်စုလွှတ်တော်ကျင်းပ ပြီးစီးမှုအပါအဝင် တော်လှန်ရေးကာလ နိုင်ငံရေးသဘောတူညီ ချက် ပူးတွဲထုတ်ပြန်မှုများ ၊ တော်လှန်ရေးဖြစ်ပေါ်တိုးတက်မှုအခြေအနေများ ၊ အာဆီယံဘုံသဘော တူညီချက် ၅ ချက်နှင့် ပတ်သက်သည့် လက်ရှိ ဥက္ကဌအဖြစ် ဆောင်ရွက်မည့် မလေးရှားနိုင်ငံ၏ အ ခန်း ကဏ္ဏများအပေါ် ချည်းကပ်ဆောင်ရွက်သင့်သည့် အချက်များအား အမြင်ဖလှယ်ဆွေးနွေးခဲ့ ကြောင်း သိုရသည်။
ထို့အပြင် အာဆီယံနိုင်ငံလွှတ်တော်များနှင့် ဒေသတွင်း လွှတ်တော်ကိုယ်စားလှယ်များ အချင်းချင်း ပူးတွဲဆောင်ရွက်နိုင်မယ့် အလားအလာများကို အမြင်ဖလှယ်ခဲ့ကြောင်း သိရသည်။
ယင်းတွေ့ဆုံပွဲတွင် ပြည်ထောင်စုလွှတ်တော် ကိုယ်စားပြုကော်မတီ – CRPH နိုင်ငံတကာ ဆက်ဆံ ရေး ကော်မတီအဖွဲ့ဝင်များဖြစ်သော ဦးစည်သူမောင် နှင့် ဦးအာကာမျိုးထက် တို့လည်း ပါဝင်ဆွေး နွေးခဲ့ကြောင်း သိရသည်။
Thanlwin Myanmar Media
