0
0
Read Time:1 Minute, 5 Second
ကဗျာကဏ္ဍ “ရွှေညာသူ့ဇီဇ”
ပျိုးကြဲလက်
ယမံဆံ မဟူရာပိတုန်းနဲ့
ရွက်ပုန်းသီးကွယ့် အလှခေါင် ။
ပြုံးလိုက်ရင် နိမ္မာနရတိ
နတ်မိမယ်ယောင် ။
ရွှေညာသူတို့ မနွဲ့ပေါင်
သတ္တိပြောင်တယ် မဟာသွေး ။
ပြည့်ဝန်ကို မပြတ်တမ်း
ထမ်းနိုင်ပါ့လေး ။
ပါးပြင်မှာ သနပ်ခါးက
ဝင့်ကြွားပေါ့ အလှရှင်
ဖိနပ်ပုံတော် ထိုင်မသိမ်းနဲ့
ဖီးလိမ်းပြင်ဆင် ။
ဆံထုံးထုံးလို့ ပခုံးတွင်
ပုဝါတင်တော့ ဘယ်မရိုး ။
ပြည်တခွင် ဘယ်ညာလှမ်းတော့
နန်းဆန်တဲ့မျိုး ။
ပြည်သာရင် နတ်သမီးပေါ့
ပျက်စီးက စစ်တိုက်သူ ။
စစ်အောင်ချိန် ဓားကိုဝင့်လို့
အောင်လံလွှင့်ထူ ။
မိန်းမတို့ဘုန်း တလူလူ
မွှေးကြူကြူ သင်းပျံ့ဆဲ ။
လျှောက်လေရာ ဘဝလမ်းမှာ
ပြည့်ဝန်ထမ်းမြဲ ။ ။
ပျိုးကြဲလက်
ကဗျာရေးသားချိန် = ၂၀၂၄ ခုနှစ်၊ မတ်လ ၃ ရက် ည ၇ နာရီ ၁၅ မိနစ်
Thanlwin Myanmar Media
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
