0
0
ကလေးမြို့နယ်တောင်ပိုင်း ၊မဏိပူရ မူးမြစ်ကူးတံတးရှိ ကမ်းပါးနီပျူစောထီးစခန်းကို တိုက်ခိုက်သိမ်း ပိုက်မှု စစ်သား၊ ပျူစောထီးအများအပြားထိခိုက်သေဆုံးပြိး လက်နက်ခဲယမ်းများလည်း သိမ်းဆည်း ရရှိ
သံလွင်မြန်မာသတင်း
ဖေဖော်ဝါရီလ ၁၄
စစ်ကိုင်းတိုင်း၊ ကလေးမြို့နယ်တောင်ပိုင်းရှိ မဏိပူရ မူးမြစ်ကူးတံတား ပျူစောထီးစခန်းကို တိုက် ခိုက်သိမ်းပိုက်ခဲ့ရာ စစ်သား၊ ပျူစောထီး အများအပြားထိခိုက်သေဆုံးမှုရှိပြီးလက်နက်များလည်း သိမ်းဆည်းရှိခဲ့ကြောင်းCDF KKG ထံမှ သိရသည်။
ဖေဖော်ဝါရီလ ၁၁ ရက်နေ့မှ စတင်၍ ကလေးမြို့နယ်တောင်ပိုင်း၊ မကွေးတိုင်း၊ ဂန့်ဂေါမြို့နယ်အစပ်၊ မဏိပူရ မူးမြစ်ကူးတံတားတွင် အင်အား ၇၀ ခန့်ဖြင့် အခိုင်အမာ တည်ဆောက်ထားသည့် အကြမ်း ဖက်စစ်သား၊ ပျူစောထီးခြေကုပ်စခန်းကို CDF KKG နှင့်မဟာမိတ်ပူးပေါင်းတပ်ဖွဲ့များက ထိုးစစ်ဆင် တိုက်ခိုက်ခဲ့ရာ ယမန်နေ့ ဖေဖော်ဝါရီလ ၁၃ ရက်နေ့က စခန်းကို သိမ်းပိုက်ရရှိခဲ့ကြောင်း၊ ယင်းစခန်း သိမ်းတိုက်ပွဲအတွင်း အကြမ်းဖက်စစ်သား၊ ပျူစောထီးအများအပြား သေဆုံးပြီး လက်နက်ခဲယမ်း အများအပြား သိမ်းဆည်းရရှိခဲ့ကြောင်း သိရသည်။
“တိုက်ပွဲကမပြီးသေးလို့ အသေးစိတ်တော့ ပြောလို့မရသေးဘူး။ လက်နက်ခဲယမ်းသိမ်းဆည်း ရရှိတာ လည်းရှိတယ်။ သူတို့ဘက်က အကျအဆုံးလည်းများတယ်။ ဒါတွေကတော့ တိုက်ပွဲမပြီးသေးတဲ့ အ တွက်ကြောင့်မို့လို့ အသေးစိတ်မထုတ်ပြန်သေးတာပါ။ အရှင်မိတာတွေလည်းရှိတာပေါ့။ သူတို့က လည်း ဒီစခန်းပြန်ရဖို့ ထိုးစစ်ဆင်နေတာရှိတယ်။ ဒီနေရာ ကသူတို့ပျူစောထီးတွေအင်အားများတဲ့ နေရာဆိုတော့ လက်ကျန် ပျူစောထီးတွေက ထိုးစစ်ဆင်နေတာရှိလို့ တောက်လျှောက်တိုက်ပွဲဖြစ် နေလို့ ပါ။ ပြီးတော့ ကျနော်တို့ဘက်ကလည်း သူတို့နေရာ တွေ အကုန်းလုံးကို တောက်လျှောက် ထိုး စစ်ဆင်နေတာလည်းရှိတယ်။ လေကြောင်းကလည်းတောက်လျှောက်ပဲ ၊ ဒီနေ့လည်း ဒီအချိန်အထိပဲ ၊ အခုကတော့ လောလောဆယ်နားထားတယ်။” ဟု CDF KKG တပ်ဖွဲ့ ဗဟိုသတင်းနှင့်ပြန်ကြားရေး တာဝန်ခံက ပြောကြားသည်။
စခန်းသိမ်းပိုက်ခံရပြီးနောက် စစ်ကောင်စီတပ်က ရဟတ်ယာဉ်ဖြင့်အနီးအနားရှိ ပျူစောထီး ကျေးရွာ များကို စစ်အင်အားများပို့ဆောင်ကာ ယမန်နေ့ ဖေဖော်ဝါရီလ ၁၃ ရက်နေ့တွင် တနေကုန်နီးပါးနှင့် ယနေ့ ဖေဖော်ဝါရီလ ၁၄ ရက် နံနက်ပိုင်းတပိုင်းလုံးနီးပါ လေကြောင်းဖြင့် ဗုံးကျဲတိုက်ခိုက်ခဲ့ကြောင်း သိရသည်။
အကြမ်းဖက်စစ်ကောင်စီတပ်၏ လေကြောင်းတိုက်ခိုက်မှုကြောင့် ကမ်းပါးနီ တံတား၊ ကျော်ရွာ ကျေး ရွာ၊ တင်သား ၊ နတ်ချောင်း ကျေးရွာစသည့် ကျေးရွာပေါင်း ၁၅ ရွာကျော်မှ ပြည်သူ ၅၀၀၀ ကျော် ဘေးလွတ်ရာထွက်ပြေးတိမ်းရှောင်နေကြရကြောင်း သိရသည်။
Thanlwin Myanmar Media
