0
0
ကဗျာကဏ္ဍ “နွေဦးတိုက်ပွဲ”
ပျိုးကြဲလက်
လေရူးတိုက်မြဲ ၊ လေထန်ဆဲတွင်
နီရဲလက်ပံ ၊ ဥဩသံနှင့်
ဆူညံဟစ်ကြွေး ၊ ပြည့်စစ်ခွေးတို့
ကျွေးသည့်ပြည်သူ ၊ ပြန်ကိုက်မူ၍
တူညီဆန္ဒ ၊ ကိုယ်စီပြလျက်
သပိတ်တိုက်ပွဲ ၊ ပြည်လုံးနွှဲက
ဆူဆဲမောင်းတင် ၊ သေနတ်ဒင်နှင့်
မြင်မြင်သမျှ ၊ ထုရိုက်ကြသည်
သပိတ်ကွဲအောင် ၊ ပစ်ခတ်ဆောင်လည်း
ညီနောင်သွးတို့ ရဲခဲ့သည် ။
ရေဗူးပိုက်ဆွဲ ၊ မိဘခွဲကာ
အားခဲရုန်းကန် ၊ လေ့ကျင့်ပြန်၍
ဝေးလံခေါင်ဖျား ၊ ဂနိုင်ကြားမှ
ပြည့်သားမောင်မယ် ၊ ရင်သွေးငယ်တို့
စိတ်ဝယ်မျှော်မှန်း ၊ ရောင်နီသန်းလျှင်
အောင်ပန်းဝေစီ ၊ ငါတို့ပြည်၏
တိူညီလျှောက်လှမ်း ၊ ဖက်ဒရယ်လမ်းက
မိုးဆမ်းပန်းနှယ် ၊ ဂုဏ်တင့်တယ်လျက်
ခြယ်လှယ်မှုကင်း ၊ ရနံ့သင်းမည်
စစ်ခင်းဖော်ဆောင် ၊ တို့ပြည်ထောင်ကို
တည်အောင်တွေးလို့ ခဲခဲ့သည်။
နွေဦးတိုက်ပွဲ ၊ စစ်ဆင်နွှဲက
ပြည်ထဲပြည်ပ ၊ စုံညီထ၍
ဖေးကြမကြ၊ ဝင်ပါကြသော်
ပြည်မတောင်တန်း ၊ စိတ်ရွှင်လန်းလျက်
အောင်ပန်းကိုယ်စီ ၊ အောင်တေးသီက
အောင်ပြီဟစ်ကြွေး ၊ စစ်ဆင်ရေးသည်
လူမွေးလူတောင် ၊ ပြည်လုံးပြောင်အောင်
သားမောင်တို့သွေး ၊ စွန့်လွှတ်ပေးသည့်
မနှေးရွက်ဆောင် ၊ တိုင်းရင်းနောင်၏
ပြည်ထောင်ရေးမို့ မြဲခဲ့သည် ။ ။
ပျိုးကြဲလက်
ကဗျာရေးသားချိန် = ၂၀၂၅ ခုနှစ် ၊ ဖေဖော်ဝါရီလ ၁၀ ရက် နံနက် ၉ နာရီ ၅၆ မိနစ်
Thanlwin Myanmar Media
