0
0
စလင်းမြို့နယ်တွင် စစ်တပ်သင်္ဘော ၁ စီးကို ကြားဖြတ်တိုက်ခိုက်မှု စစ်သား ၁ ဦးသေဆုံး
သံလွင်မြန်မာသတင်း
ဖေဖော်ဝါရီလ ၈
မကွေးတိုင်း၊ စလင်းမြို့နယ်တွင် အကြမ်းဖက် စစ်တပ်၏ စစ်သင်္ဘော ၁ စီးကို ကြားဖြတ်တိုက်ခိုက် ခဲ့ရာ စစ်ကောင်စီ တပ်သား ၁ ဦးသေဆုံးခဲ့ကြောင်း စလင်းမြို့နယ် ပြည်သူ့ကာကွယ်ရေးအဖွဲ့ ထံမှ သိရသည်။
ယမန်နေ့ ဖေဖော်ဝါရီလ ၇ ရက်နေ့ မွန်းလွဲ ၁၁ နာရီ ၃၀ မိနစ်ခန့်တွင် မင်းဘူးမြို့နယ်ဘက်မှ စလင်း မြို့နယ်၊ တညောင်တိုက်နယ်အတွင်းသို့ မြစ်ကြောင်းအတိုင်း ဆန်တက်လာသော စစ်သင်္ဘော ၁ စီး ကို တော်လှန်ရေး တပ်ဖွဲ့များက ကြားဖြတ် တိုက်ခိုက်ခဲ့ခြင်းဖြစ်ကြောင်း သိရသည်။
ယင်း တိုက်ခိုက်မှု အတွင်း အကြမ်းဖက် စစ်ကောင်စီ တပ်သား ၁ ဦး သေဆုံးပြီး ၆ ဦးထက်မနည်း ထိခိုက်ဒဏ်ရာရရှိခဲ့ကြောင်း သိရသည်။
အဆိုပါ တိုက်ခိုက်မှုကို စလင်းမြို့နယ် (ပကဖ) နှင့်ပူးပေါင်းတပ်ဖွဲ့များဖြစ်သော ဒေါင်းစစ်အောင် LPDF ၊ မင်းဘူးခရိုင် လက်ရုံးအဖွဲ့၊ ဧရာဘီလူး LPDF နှင့် Triger Frighter LPDF တို့ ပူးပေါင်းကာ တိုက်ခိုက်ခဲ့ခြင်းဖြစ်ပြီး ပြည်သူ့ကာကွယ်ရေးတပ်ဖွဲ့ဝင်များ အထိအခိုက်မရှိ ပြန်လည်ဆုတ်ခွာနိုင်ခဲ့ ကြောင်း သိရသည်။
Thanlwin Myanmar Media
