0
0
မိုးဗြဲတိုက်ပွဲတွင် စစ်သာား အလောင်း ၅ လောင်းနှင့် လက်နက်ငယ်အချို့သိမ်းဆည်းရရှိ၊ အမျိုးသမီး များပါအသုံးပြုတိုက်ခိုက်နေပြီး အထိနာသော စစ်တပ်က လေကြောင်း၊ လက်နက်ကြီဖြင့် တိုက်ခိုက် မှု ကြောင့် ပြည်သူ့နေအိမ် အများအပြား ပျက်စီး (ရုပ်သံ)
သံလွင်မြန်မာသတင်း
ဖေဖော်ဝါရီလ ၈
ကရင်နီပြည်နယ်၊ ရှမ်း -ကယားနယ်စပ်မိုးဗြဲမြို့တိုက်ပွဲတွင် စစ်သားအလောင်း ၅ လောင်းနှင့် လက် နက်ခဲယမ်းအချို့သိမ်းဆည်းရရှိခဲ့ကြောင်း၊ ယင်းတိုက်ပွဲတွင် အမျိုးသမီးများကိုပါ အသုံးပြုတိုက်ခိုက် နေ ပြီး အထိနာသော စစ်တပ်က လေကြောင်း၊ လက်နက်ကြီးများဖြင့် တိုက်ခိုက်မှု ကြောင့် ပြည်သူ့ နေအိမ်အမြောက်အများ ပျက်စီးခဲ့ကြောင်း KNDF တပ်ရင်း ၃ နှင့် ရှေ့တန်းသတင်းရင်းမြစ်ထံက သိရ သည်။
ဖေဖော်ဝါရီလ ၅ ရက်နေ့က ကရင်နီပြည်နယ်၊ ရှမ်း -ကယားနယ်စပ်မြို့ဖြစ်သည့် မိုးဗြဲမြို့တွင် စစ် ကောင်စီတပ်နှင့် ကရင်နီတော်လှန်ရေးတပ်ဖွဲ့တို့ကြား တနေကုန်နီးပါးအပြန်အလှန် ပစ်ခတ်တိုက်ပွဲ ဖြစ်ခဲ့ပြီး အကြမ်းဖက်စစ်တပ်က အမျိုးသမီးစစ်သည်များကို အသုံးပြုတိုက်ခိုက်ခဲ့ခြင်းဖြစ်ကြောင်း၊ အထိနာသော အကြမ်းဖက်စစ်တပ်က လေကြောင်း၊ လက်နက်ကြီးများဖြင့် တိုက်ခိုက်မှုကြောင့် ပြည် သူ့နေအိမ် အမြောက်အများ ထိခိုက်ပျက်စီးခဲ့ကြောင်း သိရသည်။
“မိုးဗြဲတိုက်ပွဲမှာ အလောင်းတွေ့တာက ၅ လောင်းတွေ့တယ်၊ လက်နက်ငယ်အချို့ရတယ်။ စကစ ဘက်က မိန်းမတွေလဲ ပါဝင်တိုက်နေပြီ ၊ အပြန်အလှန် ပစ်တုန်း မိန်းမတွေ ဝင်တိုက်နေတာ တွေ့ တော့ တွေ့ရတယ်၊ သေနတ်ပစ်တာ တွေ့ရတယ်။ အရှင်လည်းမရ၊ အသေ လည်းမရဘူး။ မိန်းမ တွေကို အရင် ဆုတ်ခိုင်းတာနဲ့တူတယ်။ လေးငါးယောက်လောက်ရှိတယ်၊ တွေ့ရ တာ။ အနောက်ပိုင်း စက်လေး အထိုင်နေရာတွေ့ရတာ၊ အဓိကနေရာတွေမှာတော့ ယောက်ျားတွေ ပေါ့။ ခမရ ၄၂၂ ကနေ ကင်းရှည်ထွက်လာလို့ တိုက်ပွဲဖြစ်တာပါ” ဟု KNDF ရှေ့တန်းသတင်းရင်းမြစ် က ပြောကြားသည်။
ယင်းနေ့တိုက်ပွဲတွင်အကြမ်းဖက်စစ်တပ်က လေယာဉ်၊ ဒရုန်းများအသုံးပြုတိုက်ခိုက်ခဲ့သည့်အပြင် လွိုင်ကော်အခြေစိုက် အမြှေက်တပ်၊ ဖယ်ခုံအမြှေက်တပ်၊ ခမရ ၄၂၂ တပ်မှတို့မှ လက်နက်ကြီးများ ဖြင့် ပစ်ခတ်တိုက်ခိုက်မှုကြောင့် မိုးဗြဲမြို့အစွန် ခမရ-၄၂၂ တပ် နှင့် အနီးပတ်ဝန်းကျင်ရှိ ပြည်သူလူထု ပိုင် နေအိမ်များ၊ ဘာသာရေးအဆောက်အအုံ၊ စာသင်ကျောင်းများ အများအပြား ထိခိုက်ပျက်စီးခဲ့ ကြောင်း သိရသည်။
မိုးဗြဲမြိုတိုက်ပွဲတွင် အကြမ်းဖက်စစ်ကောင်စီတပ်က စစ်မှုထမ်း တပ်သားသစ်များကို အဓိက ထား ကာ အသုံးပြုတိုက်ခိုက်ခဲ့ပြီး ထိခိုက်သေဆုံးမှုနှင့် လက်နက်ခဲယမ်းများလည်း သိမ်းဆည်းရရှိမှုရှိ ကြောင်း ၊ ထို့အပြင် လွတ်ရာလွတ်ကြောင်း ဦးတည်ရာထွက်ပြေးနေသော ပြည်သူ့စစ်မူထမ်းများ လည်း တွေ့ရှိရကြောင်း KNDF တပ်ရင်း ၃ မိုးဗြဲ PDF က ထုတ်ပြန်ထားသည်။
မိုးဗြဲမြို့တွင်းသို့ ထိုးစစ်ဆင်နေသည့် စစ်ကြောင်းများ ဝင်မလာနိုင်စေရန်အတွက် ကာကွယ်ရေးတပ် ပေါင်းစုံမှ ကြိုးစားခုခံလျက်ရှိသလို ကျွံထွက်လာသော စစ်ကောင်စီတပ်များကိုလည်း ချေမှုန်းတိုက် ခိုက်သွားမည်ဖြစ်ကြောင်း၊ ထို့ကြောင့် အများပြည်သူများအနေဖြင့် မိုးဗြဲလမ်းမကြီးပေါ်တွင် အသွား အလာအသုံးပြုမူကို သတိပြု၍သွားလာကြပါရန်နှင့် သက်ဆိုင်ရာလုံခြုံရေးဂိတ်များနှင့် ပူးပေါင်း လုပ်ဆောင်ပေးကြရန် KNDF တပ်ရင်း ၃ မိုးဗြဲ PDF က မေတ္တာရပ်ခံထားသည်။
ဖေဖော်ဝါရီလ ၆ ရက်နေ့ကလည်း KNDF တပ်ရင်း ၃ မိုးဗြဲ PDF တပ်ဖွဲ့မှ အသုံးပြုသည့် ကားတစ်စီး ကို အကြမ်းဖက်စစ်ကော်စီတပ်က ဒရုန်းဖြင့် ဗုံးကျဲတိုက်ခိုက်ခဲ့ရာ ထိခိုက်ပျက်စီးခဲ့ပြီး ရဲဘော်များကို အချိန်နှင့်တစ်ပြေးညီ လိုအပ်သောနေရာများကို ပို့ဆောင်နိင်ရန်အတွက် ကားကောင်းတစ်စီး မရှိမ ဖြစ် လိုအပ်နေကြောင်း၊ ထို့ကြောင့် ပြန်လည်အစားထိုးဝယ်ယူနိင်ရန်အတွက် ကြိုးစားနေလျက်ရှိပြီး တော်လှန်ပြည်သူများအနေဖြင့် ပါဝင်ထောက်ပို့ပေးပါရန် မေတ္တာရပ်ခံပါကြောင်း အကူအညီတောင်း ခံထားသည်။
Thanlwin Myanmar Media
