0
0
ဘောလခဲမြို့နယ်၊ နန်းဖဲကျေးရွာအုပ်စုအတွင်းသို့ စစ်ကောင်စီတပ်က လေကြောင်းဖြင့် ဗုံးကျဲတိုက် ခိုက်မှု အမျိုးသမီး ၁ ဦး သေဆုံးပြီး နေအိမ်ဈေးဆိုင်ပျက်စီး
သံလွင်မြန်မာသတင်း
ဖေဖော်ဝါရီလ ၇
ကရင်နီပြည်၊ ဘောလခဲမြို့နယ်၊ နန်းဖဲကျေးရွာအုပ်စုအတွင်းသို့ အကြမ်းဖက်စစ်ကောင်စီတပ်က လေကြောင်းဖြင့် ဗုံးကျဲတိုက်ခိုက်ခဲ့ရာ အမျိုးသမီး ၁ ဦးသေဆုံးပြီး နေအိမ် ဈေးဆိုင် ၁ ဆိုင်ပျက်စီးခဲ့ ကြောင်း KNDF ဗဟိုသတင်းနှင့်ပြန်ကြားရေးဌာန ထံက သိရသည်။
ယမန်နေ့ ဖေဖော်ဝါရီလ ၆ ရက် ည ၉ နာရီခန့်က ဘောလခဲမြို့နယ်၊ နန်းဖဲကျေးရွာအုပ်စုအတွင်း တနေရာရှိ ဈေးဆိုင်တစ်ဆိုင်ကို အကြမ်းဖက်စစ်ကောင်စီတပ်လေကြောင်းဖြင့် ဗုံးကျဲတိုက်ခိုက်ခဲ့ရာ ဈေးရောင်းချနေသူ အမျိုးသမီးတစ်ဦးသေဆုံးပြီး ဈေးဆိုင်တစ်ခုလုံးလည်းထိခိုက်ပျက်စီးသွား ကြောင်း သိရသည်။
“မနေ့ညက ၉ နာရီလောက်မှာဖြစ်ပါတယ်။ စစ်ကောင်စီက နန်းဖဲကျေးရွာအုပ်စုထဲမှာရှိတဲ့ နေရာ တနေရာက ဈေးဆိုင်လေးကို ဗုံးကျဲ တိုက်ခိုက်ခဲ့တာပါ။ ဈေးရောင်းနေတဲ့ ဈေးဆိုင်ပိုင်ရှင် အမျိုးသမီး တစ်ဦး သေဆုံးခဲ့တာပါ။ သေဆုံးတဲ့သူတစ်ဦးပဲ ရှိတယ်လို့ပဲ သိရပါတယ်။” ဟု KNDF ဗဟို သတင်း နှင့်ပြန်ကြားရေးဌာန တာဝန်ရှိသူတစ်ဦးက ပြောကြားသည်။
Thanlwin Myanmar Media
