0
0
Read Time:1 Minute, 2 Second
ကဗျာကဏ္ဍ “လမ်း”
ပျိုးကြဲလက်
နတ်ရကာ ဗုံပတ်နှင့်
သူပုန်တပ် ဥသျှောင် ။
ရက်ရာဇာ ဆောင်ထားလို့
ပြဿဒါးရှောင် ။
ဓာတ်နတ်နဲ့ ဗေဒင်ယောင်
တပ်လုံးပြောင်အောင် စစ်ရှုံး ။
စစ်ခေါင်းဆောင် သူ့ရဲမက်နှင့်
ပိုင်နက်တွေဆုံး ။
ယတြာ ကိန်းခန်းနဲ့
သိမ်းမြန်း၍ မနိုင်ပြီ ။
ကမ္ဘာကို နတ်သံနှောလို့
ပြောရစုံညီ ။
ပြည့်တပ်က အလီလီ
အောင်တေးသီ သိမ်းကျုံး ။
စစ်ရှုံးမောင် ထိန်းမရတယ်
ပြည်သူ့နှလုံး ။
သည်တပ်မှာ သည်မူနဲ့
သည်လူတို့ ဦးဆောင် ။
မသေချင် ရှောင်ဟဲ့အဝေး
ပြေးကြကွယ့်မောင် ။
လူ့ဗာလ အူကြောင်ကြောင်
ယောင်တောင်တောင်တွေ ခံစမ်း ။
ပြည့်ရဲဘော် ညီနောင်ထုသာ
ပြည်သူ့ထံလှမ်း ။
ပျိုးကြဲလက်
ကဗျာရေးသားချိန် = ၂၀၂၅ ခုနှစ်၊ ဇန်နဝါရီလ ၂၄ ရက် ညနေ ၅ နာရီ ၁၇ မိနစ်
Thanlwin Myanmar Media
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
