0
0
ချောင်းဦးမြို့နယ်၊ မုံရွာ-မန္တလေးလမ်းမပေါ်တွင် မိုင်းရှင်းစစ်သားများကို မိုင်းဆွဲတိုက်ခိုက်မှု ဗိုလ် ၁ ဦး အပါအဝင် စစ်သား ၂ ဦးသေဆုံး
သံလွင်မြန်မာသတင်း
ဇန်နဝါရီလ ၁၉
စစ်ကိုင်းတိုင်း၊ ချောင်းဦးမြို့နယ်၊ မုံရွာ -မန္တလေးလမ်းမပေါ်တွင် မိုင်းရှင်းရန် ထွက်လာသောအကြမ်း ဖက် စစ်ကောင်စီ တပ်သားများကို မိုင်းဆွဲတိုက်ခိုက်ရာ ဗိုလ် ၁ ဦး အပါအဝင် စစ်သား ၂ ဦး သေဆုံးခဲ့ ကြောင်း မုံရွာခရိုင် တပ်ရင်း ၁၂ ၊ တပ်ခွဲ ၃ -လျှပ်စီးတပ်ခွဲထံမှ သိရသည်။
ယမန်နေ့ ဇန်နဝါရီလ ၁၈ ရက်နေ့ နံနက် ၉ နာရီ ၁၅ မိနစ်ခန့်တွင် ချောင်းဦးမြို့တွင် အကြမ်းဖက် စစ်သား ၃၀ ခန့်သည် ချောင်းဦး-မြင်းမူ လမ်းပိုင်းတွင် မိုင်းရှင်းရန် ထွက်လာခဲ့သဖြင့် ပြည်သူ့ကာ ကွယ်ရေးတပ်ဖွဲ့ဝင်များ ပူးပေါင်းပြီး မိုင်းဆွဲတိုက်ခိုက်ခဲ့ရာ ဗိုလ် ၁ ဦးအပါအဝင် ၂ ဦးသေဆုံးကြောင်း သိရသည်။
ထို့အပြင် အကြမ်းဖက်စစ်သား ၃ ဦးထိခိုက်ဒဏ်ရာရရှိခဲ့ပြီး စစ်သား ၂ ဦးသည် ခြေထောက်ပြတ် တောက်ကာ ကျန် ၁ ဦးမှာ လက်ပြတ်တောက်ခဲ့သဖြင့် ဒဏ်ရာအခြေအနေ စိုးရိမ်ရကြောင်း သိရ သည်။
အဆိုပါ တိုက်ခိုက်မှုကို လျှပ်စီးတပ်ခွဲ ( မုံရွာခရိုင် အမှတ် -၁၂ တပ်ရင်း ၊ တပ်ခွဲ -၃ ) နှင့်အတူ Eleven People Defense Force၊ Nway Oo Brothers Column ၊ မုံရွာခရိုင် အမှတ် -၁၅ တပ်ရင်းနှင့် ရှန်း ရှန်းတောက် ပြည်သူ့ကာကွယ်ရေး တပ်ဖွဲ့ တို့က ပူးပေါင်း လုပ်ဆောင်ခဲ့ကြောင်း သိရသည်။
Thanlwin Myanmar Media
