0
0
ကဗျာကဏ္ဍ “ပြည့်ရန်ငြိုးက တိုးချေပြီ”
ပျိုးကြဲလက်
တပ်ခေါင်းဆောင် အရာရှိတွေက
သူခိုးငတိ ဗာလအထွေထွေနှင့်
အကျိုးမရှိ လာဘမသွေကြည့်ပြန်တော့
နွှဲမိသမျှ စစ်ပွဲရာထောင်မှာဖြင့်
အောင်လံတော် မြေဝယ်ခပြီမို့
တပ်ပျက်ရ အလီလီ ။
စစ်မှုထမ်း ဥပဒေနှင့်
ရဲမက်အထွေထွေ မွေးထုတ်ထားပြန်တော့
လွဲချက်ကယ်မသွေ ခွေးဂုတ်ကျားတွေက
တားမရ ဆီးမရ အလင်းဝင်ကြတာဖြင့်
သင်တန်းမျက်နှာ တခါမထောက်နိုင်ပေဘု
စိတ်ပေါက်ချေပြီ ။
ရန်သူကို လေ့ကျင့်ပေးနေရသလိုပ
တွေးကြည့်လျှင် အင်မတန်ရင်နာရပါဘိ
သံသရာဝဋ်ကြွေး တယ် မသေးလှပါဘု
ခံစရာ မလွတ်သေး ငါတကယ်မှေးချင်ပေါ့
ကျွန်ခွေးတစ်အုပ်နှင့် ဝေးရာဆီ
ပြေးချင်ပြီပေါ့ ရှာဖွေမြဲ ။
ဝေးချင်သည်နော့ ငါလေမလွဲ ။
လူငယ်တွေ ဖမ်းမယ်ကြံရင်ဖြင့်
မဟန်ပေါင် ငါ့ကောင်တွေ ချမ်းသာဆဲပေမို့
လက်နက်ဆွဲကာ အလင်းဝင်သွားရင်ဖြင့်
ငထွားမှာ ခါးအခါခါ နာရဘိ
မစားသာ အမှားအရာ ကြာရချည့်
ပြည်နာလေ ရန်ငြိုးအထွေထွေက
တိုးလို့သာကဲ ။ ။
ပျိုးကြဲလက်
ကဗျာရေးသားချိန် = ၂၀၂၅ ခုနှစ်၊ ဇန်နဝါရီလ ၁၅ ရက် ညနေ ၅ နာရီ မိနစ် ၃၀ အချိန်
Thanlwin Myanmar Media
