0
0
သိမ်ဇရပ်ရဲစခန်းကို ဒရုန်းဖြင့် ဗုံးကြုဲတိုက်ခိုက်မှု စစ်သား ၂ ဦး
သံလွင်မြန်မာသတင်း
ဇန်နဝါရီလ ၁၀
မွန်ပြည်နယ်၊ ကျိုက်ထိုမြို့နယ်၊ သိမ်ဇရပ်မြို့ ရဲစခန်းအတွင်းသို့ ဒရုန်းဖြင့် ဗုံးကြဲတိုက်ခိုက်ခဲ့ရာ စစ် သား ၂ ဦး သေဆုံးခဲ့ကြောင်း ကျိုက်ထိုတော်လှန်ရေးအင်အားစု – KRF ထံမှ သိရသည်။
ဇန်နဝါရီလ ၅ ရက် ညနေ ၆ နာရီ ခွဲအချိန်က ကျိုက်ထိုမြို့နယ်၊ သိမ်ဇရပ်ရဲစခန်းအတွင်းသို့ ဒရုန်းဖြင့် ဗုံးကြဲတိုက်ခိုက်ခဲ့ရာ ရဲစခန်းအတွင်းရှိ ခမရ – ၂ဝ၇ တပ်ရင်း မှ စစ်သား ၂ ဦး သေဆုံးခဲ့ပြီး ၁ ဦးအပြင်း အထန် ဒဏ်ရာရရှိခဲ့ကြောင်း၊ ထို့အပြင် ရဲစခန်းမှ ရဲ ၃ ဦးမှာလည်းအပြင်းအထန်ဒဏ်ရာ စိုးရိမ်ရ ရရှိ ခဲ့ကြောင်း သိရသည်။
အဆိုပါ တိုက်ခိုက်မှုကို ကျိုက်ထို တော်လှန်ရေးအင်အားစု (KRF) ၊ KNU/KNLA နှင့် PDF (၇၈ဝ၅) တပ်ရင်းတို့ ပူးပေါင်းကာ တိုက်ခိုက်ခဲ့ခြင်းဖြစ်ပြီး ဒရုန်းတစ်စီး GPS Error ကြောင့်ဆုံးရှုံးခဲ့ပြီး တော် လှန်ရေး တပ်ဖွဲ့ဝင်များ ထိခိုက်မှု တစ်စုံတစ်ရာ မရှိဘဲ ဆုတ်ခွာနိုင်ခဲ့ကြောင်း သိရသည်။
ကျိုက်ထိုတော်လှန်ရေး အင်အားစု – KRF အနေဖြင့် စစ်အာဏာရှင်စနစ် ကျဆုံးသည်အထိ ဆက် လက်တိုက်ပွဲဝင်သွားမည်ဖြစ်ပြီး ပြည်သူလူထု၏ အသက်အိုးအိမ် စည်းစိမ်ကို အသက်ပေး ကာကွယ် စောင့်ရှောက်သွားမည် ဖြစ်ကြောင်း၊ KRF အနေဖြင့် ပြည်သူလူထုအပေါ် တစ်စုံတစ်ရာ ထိခိုက် နစ် နာ ပျက်စီးဆုံးရှုံးစေမည့် ဖောက်ခွဲမှု၊ ပစ်ခတ်မှုများအား ပြုလုပ်ခြင်း အလျဉ်းမရှိပါကြောင်း ထုတ်ပြန် ထားသည်။
Thanlwin Myanmar Media
