0
0
ဝက်လက်မြို့နယ်၊ မှော်ဦးကျေးရွာတွင် ကိုယ်ဝန် ၃ လရှိသူ အိမ်ထောင်သည်အမျိုးသမီးအား မုဒိမ်း ကျင့်ခဲ့သူ ရပ်ကျေးပကဖ ခေါင်းဆောင်မောင်နိုင်ကို NUG တရားရုံးက အလုပ်ကြမ်းနှင့်ထောင်ဒဏ် ၅ နှစ်ချမှတ်
သံလွင်မြန်မာသတင်း
ဒီဇင်ဘာလ ၂၄
စစ်ကိုင်းတိုင်း၊ ဝက်လက်မြို့နယ်၊ မှော်ဦးကျေးရွာတွင် ကိုယ်ဝန် ၃ လရှိသူ အိမ်ထောင်သည် အမျိုးသ မီးအား မုဒိမ်းကျင့်ခဲ့သူ ရပ်ကျေးပကဖခေါင်းဆောင် မောင်နိုင်ကို NUG တရားရုံးက အလုပ်ကြမ်းနှင့် ထောင် ဒဏ် ၅ နှစ်ချမှတ်လိုက်ကြောင်း အမှုဖြစ်စဉ်ကို လိုက်ပါကူညီသူ အသိသက်သေထံက သိရသည်။
ပြီးခဲ့သည့် မေလအတွင်းက ဝက်လက်မြို့နယ်၊ မှော်ဦးကျေးရွာတွင် ကျေးရွာ ပကဖ ခေါင်းဆောင် မောင်နိုင်က အသက် ၂၁ နှစ်အရွယ် ကိုယ်ဝန် ၃ လရှိသူ အမျိုးသမီးကို နေအိမ်အတွင်းဝင်ရောက် ကာ အဓမ္မပြုကျင့်ခဲ့ကြောင်း၊ ထိုသို့ အဓမ္မပြုကျင့်မှုကြောင့် ကိုယ်ဝန်ပျက်ကျခဲ့ပြီး အမှုဖွင့်တရား စွဲဆိုခဲ့ရာ NUG အစိုးရ၊ ဝက်လက်မြို့နယ်တရားရုံးက ဒီဇင်ဘာလ ၂၂ ရက်နေ့တွင် ပြစ်မှုကျူးလွန် သူ မောင်နိုင်ကို အလုပ်ကြမ်းနှင့်ထောင်ဒဏ် ၅ နှစ်ချမှတ်လိုက်ကြောင်း သိရသည်။
“ကောင်မလေးရဲ့ ယောက်ျားကို ကင်းစောင့်ခိုင်းပြီး အိမ်ပေါ်တက်မုဒိမ်းကျင့်တာ၊ ကောင်မလေးက အော်တယ်၊ ပတ်ဝန်းကျင်က ကြောက်လို့ သွားမတားရဲကြဘူး။ မုဒိမ်းကျင့်ပြီးတော့ ကောင်မလေးကို ဖော်ထုတ်ရင် ဓားနဲ့ထိုးမယ်၊ သေနတ်နဲ့ပစ်မယ်လို့ ခြိမ်းခြောက်ခဲ့တယ်၊ မုဒိမ်းကျင့်တာက တစ်ခါ တည်းပဲ၊ ဒါပေမယ့် ဆေးရုံမှာ ၃ လသန္ဓေသားလေး ပျက်ကျခဲ့တာ၊ အဲဒါကို အလုပ်ကြမ်းနဲ့ ထောင် ဒဏ် ၅ နှစ် တဲ့၊ ဝက်လက်မှာတော့ အလုပ်ကြမ်းမရှိဘူး” ဟု အမှုဖြစ်စဉ်ကို လိုက်ပါကူညီသူ အသိ သက်သေတစ်ဦးက ပြောကြားသည်။
ထောင်ဒဏ်ချမှတ်ခံရသူ မောင်နိုင်သည် တရားရုံးအမိန့်မချမီ အသိသေလိုက်ပေးသူများကိုလည်း သတ်ပစ်မည်ဟုခြိမ်းခြောက်ခဲ့ကြောင်း သိရသည်။
Thanlwin Myanmar Media
