0
0
စင်္ကာပူအစိုးရက စီးပွားရေးအဆင်မပြေတဲ့ မိသားစုတွေကို အထူးအစီအစဉ်နဲ့ ငွေကြေး ထောက်ပံ့၊ အသက် ၂၁ နှစ်အထက်ရှိ ပြည်သူများ SGD ၂၀၀ မှ ၂၀၀၀ အထိ ရရှိမည်
သံလွင်မြန်မာသတင်း
ဒီဇင်ဘာလ ၄
စင်္ကာပူနိုင်ငံအစိုးရက စီးပွားရေး အဆင်မပြေတဲ့ မိသားစုတွေကို အထူးအစီအစဉ်နဲ့ ငွေကြေး ထောက်ပံ့ ပေးသွားမည်ဖြစ်ရာ အသက် ၂၁ နှစ် အရွယ် အထက် ရှိပြည်သူတွေ SGD ဒေါ်လာ ၂၀၀ ကနေ ၂၀၀၀ အထိ ရရှိမှာဖြစ်တယ်လို့The independent singapore Website က ရေး သား ထားပါတယ်။
ဒီအစီအစဉ်ကို မနေ့က ဒီဇင်ဘာလ ၃ ရက်နေ့ကစတင်လုပ်ဆောင်နေတာဖြစ်ပြီး စင်ကာပူအစိုးရရဲ့ Assurance Package အစီအစဉ်အရ နိုင်ငံသား ပြည်သူ ၂ ဒသမ ၉ သန်းရဲ့ အသက်မွေးဝမ်းကျောင်း စရိတ် လျော့ချပေးဖို့၊ ကျန်းမာရေး ကုန်ကျ စရိတ်တွေ ဖြေရှင်းနဲ့ အနာဂတ်လစာစနစ်တွေအတွက် စုဆောင်းမှုတွေ တိုးမြှင့်ဖို့ အတွက် ထောက်ပံ့ပေးတာဖြစ်တယ်လို့ ဆိုပါတယ်။
Assurance Package အစီအစဉ်အရ အသက် ၂၁ နှစ်အထက်ရှိသူတွေကို ၂၀၂၂ ခုနှစ် အခွန်ဝင်ငွေနဲ့ မိသားစု လူဦးရေအပေါ် အခြေအနေ အပေါ်မူတည်ကာ SGD $ 200 ကနေ $ 600 အထိ ကွဲပြား သွားမှာဖြစ်ပြီး ငွေသားပေးချေမှုကိုတော့ SMS ကနေ အကြောင်းကြားပေးသွားမှာဖြစ်တယ်လို့ ဆိုပါတယ်။
၁၉၇၃ ခုနှစ် မတိုင်မီမွေးဖွားခဲ့သူတွေကိုတော့ အသက်အရွယ် အလိုက်ထောက်ပံ့မှုအဖြစ် MediSave အစီအစဉ်အဖြစ် SGD $1,250 ကနေ $2,000 အထိ တစ်ကြိမ်ထပ်မံပေးအပ်သွားမှာဖြစ်ပါတယ်။
အသက် ၅၀ ကနေ ၇၀ ကြားရှိသူတွေကို Retirement Savings Bonus ဖြစ်တဲ့ SGD $1,000 ကနေ $1,500 ပမာဏကို Central Provident Fund (CPF) မှာ ထည့်သွင်းပေးသွားမှာဖြစ်တယ်လို့ အသိ ပေးထားပါတယ်။
လုံခြုံရေးအရ ပေးပို့လာတဲ့ SMS က link ကို မနှိပ်ဖို့၊ အသိပေးချက်တွေကိုသာ ဖတ်ရှုဖို့နဲ့ အချက် အလက်တွေကို WhatsApp သို့မဟုတ် အခြား social media တွေကို မပေးပို့ဖို့လည်း အသိပေးထား ပါတယ်။
သက်ဆိုင်သူတွေအနေနဲ့ govbenefits.gov.sg မှာ Singpass နဲ့ ဝင်ရောက်ကာ ငွေပေးချေမှုအတွက် အခမဲ့ စစ်ဆေးနိုင်တယ်လို့ သိရပါတယ်။
Thanlwin Myamar Media
