0
0
အမ်းမြို့ တစ်မိုင်ကုန်းစခန်းမှ ထွက်ပြေးလာသော ဗမ ဇော်ထက်နောင် ဦးဆောင်စစ်ကြောင်းကို ဖြတ်တောက်တိုက်ခိုက်မှု စစ်သား ၂ ဦးသေဆုံးပြီး ၁၄ ဦးအရှင်ဖမ်းမိ
သံလွင်မြန်မာသတင်း
နိုဝင်ဘာလ ၂၉
ရခိုင်ပြည်နယ်၊ အမ်းမြို့၊ တစ်မိုင်ကုန်းစခန်းမှ ထွက်ပြေးလာသော ဗမ ဇော်ထက်နောင်ဦးဆောင် စစ်ကြောင်းကို ဖြတ်တောက်တိုက်ခိုက်ခဲ့ရာ စစ်သား ၂ ဦးသေဆုံးပြီး ၁၄ ဦးအရှင်ဖမ်းမိခဲ့ကြောင်း ကျောင်းသားလက်ရုံးတပ်တော် – ASF ထံက သိရသည်။
နိုဝင်ဘာလ ၂၃ ရက်နေ့က အနောက်ပိုင်းစစ်ဌာနချုပ် (အမ်း) ကွပ်ကဲမှု လက်အောက်ရှိ တစ်မိုင် ကုန်းစခန်းမှ ဆုတ်ခွာလာသော ဗမ ဇော်ထက်နောင် ဦးစီးသော အကြမ်းဖက်စစ်တပ်စစ်ကြောင်းကို ကျောင်းသားလက်ရုံးတပ်တော်နှင့် မဟာမိတ်ပူးပေါင်းစစ်ကြောင်းမှ အမ်း-ပဒါန်း လမ်းတစ်နေရာ၌ စောင့်ကြို၍ ပိတ်ဆိုတိုက်ခိုက်ခဲ့ရာ အကြမ်းဖက်စစ်သား ၂ ဦးသေဆုံးပြီး ၁၄ ဦး အရှင်ဖမ်းမိကာလက် နက်ငယ် ၂ လက် နှင့် ခဲယမ်းများ သိမ်းဆည်းရရှိခဲ့ကြောင်း သိရသည်။
ထိုသို့ တိုက်ခိုက်ခံရမှုကြောင့် အကြမ်းဖက်စစ်တပ်ကြောင်းမှာ ဖွဲ့စည်းပုံပျက်စီးသွားပြီး တကွဲ တပြား စီထွက်ပြေးလျက်ရှိသဖြင့် လိုက်လံရှင်းလင်းလျက်ရှိကြောင်း၊ စစ်သုံ့ပန်းများကိုလည်း လိုအပ်သော ဆေးဝါးကုသမှုပေးကာ စစ်သုံ့ပန်းမူဝါဒနှင့်အညီ ထိန်းသိမ်းစောင့်ရှောက်ထားကြောင်း သိရသည်။
အဆိုပါ တိုက်ခိုက်မှုကို ကျောင်းသားလက်ရုံးတပ်တော် (SAF) နှင့်အတူ အရှိချင်းကာကွယ်ရေးတပ်ဖွဲ့ (ACDF) နှင့် မင်းဘူးခရိုင် အမှတ် (၂) တပ်ရင်း တို့ ပူးပေါင်းကာ တိုက်ခိုက်ခဲ့ခြင်းဖြစ်ပြီး ကျောင်းသား လက်ရုံးတပ်တော်သည် “ဖိနှိပ်ခံလူထုလွတ်မြောက်ရေးနှင့် နိုင်ငံတော်သစ်ဆီသို့” ဦးလည်မသုန် ဆက်လက်တိုက်ပွဲဝင်သွားမည်ဖြစ်ကြောင်း အသိပေးထုတ်ပြန်ထားသည်။
Thanlwin Myanmar Media
