0
0
မင်းအောင်လှိုင်အပါအဝင် အကြမ်းဖက်စစ်အုပ်စုအားလုံးကို အရေးယူပေးရန် Justice For Myanmar တောင်းဆို
သံလွင်မြန်မာသတင်း
နိုဝင်ဘာလ ၂၉
စစ်ခေါင်းဆောင်မင်းအောင်လှိုင်အပါအဝင်အကြမ်းဖက်စစ်အုပ်စုအားလုံးကို အရေးယူပေးရန် Justice For Myanmar ကတောင်းဆိုလိုက်တယ်။
လူသားမျိုးနွယ်အပေါ် ကျူးလွန်တဲ့ ရာဇဝတ်မှုတွေဖြစ်တဲ့ ရိုဟင်ဂျာတွေကို နိုင်ငံအတွင်းကနေ နှင် ထုတ်မှု၊ နှိပ်စက်ညှဥ်းပန်းမှုတွေအတွက် မင်းအောင်လှိုင်အား ဖမ်းဝရမ်းထုတ်ရန် အပြည်ပြည်ဆိုင်ရာ ရာဇဝတ်ခုံရုံး (ICC) ရှေ့နေရဲ့ လျှောက်ထားချက်ကို Justice For Myanmar က ကြိုဆိုတယ်လို့ ပြောပါတယ်။
အခုကိစ္စဟာ ရိုဟင်ဂျာတွေနဲ့ မြန်မာနိုင်ငံအတွက် တရားမျှတမှု ရှာဖွေရာမှာ အရေးပါတဲ့ ခြေလှမ်း တစ်ရပ်ဖြစ်သလို ဖမ်းဝရမ်းအတွက် လျှောက်ထားချက်ဟာ ကျူးလွန်ခံရသူတွေနဲ့ ၎င်းတို့ ရှေ့နေတွေ ရဲ့ ရဲဝံ့စွာ လုပ်ဆောင်မှုတွေကြောင့် ဖြစ်ပေါ်လာခဲ့ခြင်း ဖြစ်တယ်လို့ ပြောပါတယ်။
မင်းအောင်လှိုင်က မြန်မာနိုင်ငံတဝန်း နိုင်ငံတကာရာဇဝတ်မှုတွေကို တိုးမြှင့်ကျူးလွန်လျက်ရှိတဲ့ အ တွက် ဖမ်းဝရမ်းကို အမြန်ဆုံးထုတ်ပေး ကာ အရေးယူတာဝန်ခံစေရေး ဆောင်ရွက်ပေးဖို့ Justice For Myanmar က အကြိုကြားနာရေးရုံးကို တောင်းဆိုထားပါတယ်။
နောက်ထပ်ဖမ်းဝရမ်းတွေအတွက် လျှောက်ထားမှုတွေ လုပ်ဆောင်မှာဖြစ်တယ်လို့ ICC ရှေ့နေရဲ့ ကတိစကားကိုလည်း ထပ်လောင်းကြိုဆိုတယ်လို့ Justice For Myanmar က ဆက်လက်ပြောဆို ထားပါတယ်။
အားပေးကူညီခဲ့ကြတဲ့ ခရိုနီတွေ၊ စစ်လက်နက်ပွဲစားတွေအပါအဝင် မြန်မာစစ်အုပ်စုရဲ့ နိုင်ငံတကာ ရာဇဝတ်မှုတွေကို ကျူးလွန်သူအားလုံးအား မဖြစ်မနေ အပြစ်ပေးအရေးယူရမှာဖြစ်တယ်လို့ ဆိုပါ တယ်။
ဒီလိုအရေးယူလိုက်မှာသာ ဆယ်စုနှစ်ပေါင်းများစွာ ပြစ်ဒဏ်ခံရခြင်းကနေ ကင်းလွတ်နေမှုက မြန်မာ စစ်အုပ်စုကိုလက်မရွံ့ ရဲတင်းစေခဲ့တဲ့ ကိစ္စကို အပြီးသတ် ရပ်တန့်နိုင်မှာဖြစ်တယ်လို့ Justice For Myanmar က ထုတ်ပြန်ထားပါတယ်။
Thanlwin Myanmar Media
