0
0
တာမွေမြို့နယ် လျှပ်စစ်မီတာရုံးရှိ စစ်တပ် လုံခြုံရေး နှစ်ထပ်ဘန်ကာကို ဗုံးဖောက်ခွဲတိုက်ခိုက်
သံလွင်မြန်မာ
နိုဝင်ဘာလ ၂၄
ရန်ကုန်မြို့၊ တာမွေမြို့နယ် လျှပ်စစ်မီတာရုံးရှိ စစ်တပ် လုံခြုံရေး နှစ်ထပ်ဘန်ကာကို ဗုံးဖောက်ခွဲ တိုက်ခိုက်ခဲ့တယ်လို့ ရန်ကုန်မြို့ပြပြောက်ကျားတော်လှန်ရေးတပ်ဖွဲ့ ၂ ခုက သတင်းထုတ်ပြန်ပါ တယ်။
မနေ့က နိုဝင်ဘာလ ၂၃ ရက် ညနေ ၆ နာရီခွဲအချိန် တာမွေမြို့နယ်ရှိ အကြမ်းဖက်စစ်ကောင်စီရဲ့ ဒေါက်တိုင် လျှပ်စစ်ဝန်ကြီးဌာန လက်အောက်ခံ တာမွေ EPC ဝင်းထဲမှာ တည်ဆောက်ထားတဲ့ စစ်တပ် လုံခြုံရေး နှစ်ထပ်ဘန်ကာကို Freeland Attack Force (FLA) နဲ့ Anonymous Fighters Force (AFF) တို့က ၂ ကြိုမ် ဗုံးခွဲတိုက်ခိုက်ခဲ့တာပါ။
Photo – တာမွေမြို့နယ်ရဲတပ်ဖွဲ့စခန်းရှေ့ရှိ အကြမ်းဖက်စစ်ကားများ (ပုံဟောင်း)
တာမွေ EPC ရုံးဟာ ပြည်သူလူထုအပေါ် နည်းမျိုးစုံနဲ့ ဗိုလ်ကျ အနိုင်ကျင့်နေတဲ့အတွက် အခုလို တိုက်ခိုက်ခဲ့တာလို့ ဆိုပါတယ်။
အလားတူပဲ ည ၇ နာရီ မိနစ် ၅၀ အချိန်မှာလည်း ထပ်မံဗုံးပေါက်ကွဲမှုရှိခဲ့တယ်လို့ တာမွေမြို့နယ်နေ ပြည်သူများက ပြောပါတယ်။
“တာမွေမီတာရုံး ၆ ခွဲလောက်ကအသံတော်တော် ကျယ်တယ်။ စကစတွေလမ်းပိတ်ပြီး လာစစ်နေတဲ့ ချိန် ည ၇ နာရီ ၅၀ မှာကွဲတယ်။၂ ကြိမ်ဗုံးကွဲတာ။ အသံတော်တော်ကျယ်တယ်” ဟု တာမွေမြို့နယ်မှ ပြည်သူတစ်ဦးက ပြောပါတယ်။
D Day News
