0
0
ချောင်းဦးမြို့နယ်၊ မုံရွာ-မန္တလေးလမ်းပေါ်တွင် အကြမ်းဖက်စစ်ယာဉ်တန်းကို မိုင်းဆွဲတိုက်ခိုက်မှု ကား ၂ စီးထိမှန် ပျက်စီး
D Day News
နိုဝင်ဘာလ ၉
စစ်ကိုင်းတိုင်း၊ ချောင်းဦးမြို့နယ်၊ မုံရွာ -မန္တလေးလမ်းပေါ်တွင် အကြမ်းဖက်စစ်ယာဉ်တန်းကို မိုင်းဆွဲ တိုက်ခိုက်ခဲ့ရာ ကား ၂ စီးထိမှန်ပျက်စီးခဲ့ကြောင်း People’s Defence Force – South Monywa တပ် ဖွဲ့ထံမှ သိရသည်။
နိုဝင်ဘာလ ၈ ရက် နံနက် ၁၁ နာရီ ၅၁ မိနစ်အချိန်တွင် မုံရွာမြို့ထဲမှ ထွက်လာသော အကြမ်းဖက် စစ် ကောင်စီ၏ တွဲကား ၄၇ စီးနှင့် Jammer ကား ၅ စီး အ နက် ၅ စီးမြောက်နှင့် ၆ စီးမြောက်လိုက် ပါလာသော အကြမ်းဖက်စစ်တပ် တွဲကား ၂ စီးကို ချောင်းဦး မြို့နယ်၊ နတ်ရေကန်ကျေးရွာ နှင့် ရေပိုး စားကျေးရွာကြား၌ ပဒေသာမိုင်း ၃ လုံးတွဲ ၂ ပွိုင့်ဖြင့် မိမိ ရရ မိုင်းဆွဲ တိုက်ခိုက်ခဲ့ရာ တွဲကား ၂ စီးလုံး မိုင်းထိ၍ ရပ်တန့်သွားကြောင်း သိရသည်။
ထိုသို့ မိုင်းထိပြီးနောက် ကားပေါ်နှင့် လမ်းဘေးဝဲယာ၌ ကင်းပုန်းဝပ်နေသော အကြမ်းဖက် စစ်သား များက လက်နက်ငယ်များဖြင့် တရစပ်ရမ်းသမ်းပစ်ခဲ့ရသဖြင့် ပြည်သူ့ ကာကွယ်ရေးတပ်ဖွဲ့ဝင်များ ပြန်လည် ဆုတ်ခွာထွက်ပြေးခဲ့ရကြောင်း သိရသည်။
“ထိခိုက်သေဆုံးမှုကတော့ အတိအကျ မသိရသေးဘူး ။ မိုင်းဆွဲတဲ့ရဲဘော်တွေကလည်း တောက် လျှောက် လိုက်ပစ်ခံရတော့ လှည့်မကြည့်နိုင်တော့ဘူးဖြစ်သွားတာ၊ လမ်းပိုင်းကလည်း ကင်းပုန်း တွေချည်ပဲ၊ လမ်းတစ်ကြောတစ်ခုလုံး ကင်းပုန်းတွေချထားတာ၊ ရဲဘော်တွေတော့ အထိအခိုက်မရှိခဲ့ ပါဘူး” ဟု People’s Defence Force – South Monywa တပ် ဖွဲ့ သတင်းနှင့်ပြန်ကြားရေးတာဝန်ခံ က ပြောကြားသည်။
အဆိုပါ တိုက်ခိုက်မှုကို မုံရွာခရိုင် အမှတ် ၁၁ တပ်ရင်း – People’s Defence Force – South Monywa ၊ နွေဦးလူငယ် People’s Defence Force ၊ တောသားကြီးပြည်သူ့ကာကွယ်ရေးတပ်ဖွဲ့၊ Pentagram၊ Venom Revolution Force ၊ Myinmu Local Defence Force ၊ Shining Star Local Defense Force နှင့် မြန်မာအစ္စလာမ်အထူကွန်မာန်ဒိုတပ်ဖွဲ့တို့ ပူးပေါင်းကာ တိုက်ခိုက်ခဲ့ခြင်းဖြစ် ကြောင်း သိရသည်။
D Day News
