0
0
လားရှိုးမြို့၊ အမှတ် ၁ ရပ်ကွက် နားမခေါ်ကားဂိတ်အနီးကို အကြမ်းဖက်စစ်ကောင်စီက လေကြောင်း ဖြင့် ဗုံးကြဲတိုက်ခိုက်မှု ပြည်သူ ၁ ဦးပွဲချင်းပြီး သေဆုံး
D Day News
အောက်တိုဘာလ ၁၅
ရှမ်းပြည်နယ်မြောက်ပိုင်း၊ လားရှိုးမြို့၊ အမှတ် ၁ ရပ်ကွက်၊ နားမခေါ်ကားဂိတ်အနီးကို အကြမ်းဖက် စစ်ကောင်စီတပ်က လေကြောင်းဖြင့် ဗုံးကြဲတိုက်ခိုက်ခဲ့ရာ ပြည်သူ ၁ ဦးပွဲချင်းပြီးသေဆုံးပြီး ၁ ဦး ထိခိုက်ဒဏ်ရာရရှိခဲ့ကြောင်း MNDAA က ထုတ်ပြန်သည်။
ယမန်နေ့ အောက်တိုဘာလ ၁၄ ရက် ညနေ ၆ နာရီ ၃၁ မိနစ်တွင် လားရှိုးမြို့၊ အမှတ် ၁ ရပ်ကွက် နားမခေါ်ကားဂိတ်အနီးကို မင်းအောင်လှိုင်၏ အကြမ်းဖက်စစ်ကောင်စီတပ်က တိုက်လေယာဉ်ဖြင့် ဗုံးသီး ၃ လုံးကြဲချတိုက်ခိုက်ခဲ့ရာ ဆိုင်ကယ်မောင်းနှင်သူ ပြည်သူ ၁ ဦးသေဆုံးပြီး တစ်ဦး ထိခိုက်ဒဏ် ရာရရှိခဲ့ကြောင်း သိရသည်။
ထို့အပြင် လျှပ်စစ်မီးကြိုးများလည်း ပျက်စီးခဲ့ပြီး လားရှိုးမြို့တွင်းနေရာအချို့၌ လျှပ်စီး ပြတ်တောက် မှုဖြစ်ပေါ်ခဲ့ကြောင်း သိရသည်။
အကြမ်းဖက်စစ်ကောင်စီသည် စစ်ရေးနှင့်သက်ဆိုင်ခြင်းမရှိ၊ တိုက်ပွဲဖြစ်ပွားခြင်းမရှိသည့် လားရှိုးမြို့ ကို လေကြောင်းဖြင့် အကြိမ်ကြိမ်ဗုံးကြဲတိုက်ခိုက်လျက်ရှိရာ အရပ်သားပြည်သူများ ထိခိုက်သေဆုံး၊ ဒဏ်ရာရရှိသူများရှိကြောင်း၊ ယမန်နေ့ အောက်တိုဘာလ ၁၄ ရက် တနေ့တည်း လေကြောင်းဖြင့် ၂ ကြိမ် ဗုံးကြဲတိုက်ခိုက်ခဲ့ကြောင်း သိရသည်။
အောက်တိုဘာလ ၁၄ ရက်နေ့ နံနက်အစောပိုင်းအချိန် ၁၂ နာရီ ၁၀ မိနစ်တွင်း လားရှိုးမြို့အနီးရှိ အီနိုင်းကျေးရွာကို အကြမ်း ဖက်စစ်ကောင်စီက ပေါင် ၅၀၀ ဗုံး ၂ လုံးအပါအဝင် စုစုပေါင်းဗုံး ၇ လုံး ကြဲချခဲ့ရာ ပြည်သူ အမျိုးသား ၃ ဦး သေဆုံးခဲ့ပြီး အမျိုး သမီးကြီး ၁ ဦးနှင့် အသက် ၄ နှစ်အရွယ် ကလေးငယ် ၁ ဦး ထိခိုက်ဒဏ်ရာ ရရှိခဲ့ကာ ဘုရားကျောင်းအဆောက်အအုံများ၊ စာသင်ကျောင်း များနှင့် နေအိမ်များ ပျက်စီးခဲ့ကြောင်း သိရသည်။
Photo – အကြမ်းဖက်စစ်ကောင်စီတပ်က လားရှိုးမြို့အနီးရှိ အီနိုင်းကျေးရွာကို ဗုံးကျဲတိုက်မှုကြောင့် ပျက်စီးသွားသော အဆောက်အအုံများ
D Day News
