0
0
Read Time:46 Second
ကဗျာကဏ္ဍ “လှိုင်း”
ပျိုးကြဲလက်
အဏ္ဏဝါ ရေပြင်ကြောဆီက
မမောတမ်း ပြေးလို့လာ ။
ဟန်ပါပါ မာန်ဟုန်ခင်းလို့
ပြင်းထန်လှတာ ။
အကြိမ်ကြိမ် တိုးလို့သာ
တိုက်စားရာ မလျော့ဇွဲ ။
ကြောက်အားပြိုင်
ကျောက်သားစိုင် ခံနိုင်ရိုးရယ်က
လှိုင်းတံပိုးပဲ ။
ကံဇာတ်ဆရာ အလိုကျ
ကြုံခဲ့ရ ဘဝစုံ ။
ဦးတည်ရာ နောက်မတွန့်
ကြောက်ရွံ့မဲ့တုံ ။
လှိုင်းတံပိုး ပမာပုံ
ဇွဲအဖုံဖုံ မာန်ခဲ ။
လဲကျရင် အကြိမ်ကြိမ်ထကွယ်
လှိုင်းပမာကဲ ။ ။
ပျိုးကြဲလက်
ကဗျာရေးသားချိန် = ၂၀၂၄ ခုနှစ်၊ အောက်တိုဘာလ ၁၃ ရက် ညနေ ၃ နာရီ ၄၈ မိနစ်
D Day News
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
