0
0
မုံရွာ-ချောင်းဦးလမ်းပိုင်းတွင် စစ်ယာဉ်တန်းကို တိုက်ခိုက်မှု စစ်သား ၁ ဦးသေဆုံးပြီး ကားတစီး စီးပျက်စီး (ရုပ်သံ)
D Day News
အောက်တိုဘာလ ၁၁
စစ်ကိုင်းတိုင်း ၊ မုံရွာမြို့နယ်၊ မုံရွာ -ချောင်းဦးလမ်းပိုင်းတနေရာတွင် အကြမ်းဖက်စစ်ယာဉ်တန်းကို ကြားဖြတ် တိုက်ခိုက်ခဲ့ရာ စစ်သား ၁ ဦးသေဆုံးပြီး ကားတစ်စီးပျက်စီးခဲ့ကြောင်း BRAVE HEART ARMY-BHA ထံမှ သိရသည်။
ယနေ့ အောက်တိုဘာလ ၁၀ ရက် နေ့တွင် စစ်ကိုင်းမြို့တပ်မ ၃၃ မှ မုံရွာမြို့ရှိ အနောက်မြောက်တိုင်း စစ်ဌာနချုပ်သို့ ထွက်ခွာလာသော သံပြားကာ ကား ၄ စီး အနက် ရှေ့ဆုံးကား ၂ စီးကို မုံရွာ – ချောင်းဦးလမ်းပိုင်း တနေရာ၌ ပြောက်ကျားပစ်ခတ်တိုက်ခိုက်ခဲ့ရာ စစ်သား ၁ ဦးသေဆုံးပြီး ထိခိုက် ဒဏ်ရာရရှိသူများလည်း ရှိကြောင်း သိရသည်။
ထိုသို့ တိုက်ခိုက်မှုကြောင့် အကြမ်းဖက်စစ်သား ကင်းပုန်းများနှင့် ကားပေါ်ပါ စစ်သားများက ပြန် လည်ပစ်ခတ်တိုက်ခိုက်မှုရှိခဲ့သော်လည်း ပြည်သူ့ကာကွယ်ရေးတပ်ဖွဲ့ဝင်များ အထိအခိုက်မရှိ ပြန် လည်ဆုတ်ခွာနိုင်ခဲ့ကြောင်း၊ ပျက်စီးသွားသော သံပြားကာ ကားတစ်စီးကို တိုက်ပွဲဖြစ်ပွားရာအနီး ထိုးရပ်ပျက်စီးခဲ့ပြီး မုံရွာ မြို့မှ စစ်ကူလာသော သံပြားကာ ကား ၂ စီးဖြင့် ဆဲယူသွားကြောင်း သိရ သည်။
အဆိုပါတိုက်ခိုက်မှုကို BRAVE HEART ARMY-BHA မှ ဦးဆောင်ပြီး CHINDWIN FIGHTER GROUP-CFG နှင့် လက်တွဲညီညီ တိုက်ခိုက်ခဲ့ခြင်းဖြစ်ကြောင်း သိရသည်။
D Day News
