0
0
ကောလင်းမြို့နယ်၊ ကုက္ကိုလ်ကုန်းရွာတွင် တိုက်ပွဲဖြစ်ပွားခြင်းမရှိပဲ စစ်တပ်က လေကြောင်းဖြင့် ဗုံးကျဲတိုက်ခိုက်မှု ပြည်သူ ၃ ဦးသေဆုံး
D Day News
အောက်တိုဘာလ ၉
စစ်ကိုင်းတိုင်း၊ ကောလင်းမြို့နယ်အရှေ့ခြမ်းရှိ ကုက္ကိုလ်ကုန်းရွာတွင် တိုက်ပွဲဖြစ်ပွားခြင်းမရှိပဲ အ ကြမ်းဖက်စစ်ကောင်စီတပ်က လေကြောင်းဖြင့် ဗုံးကျဲတိုက်ခိုက်ခဲ့ရာ ပြည်သူ ၃ ဦးသေဆုံးခဲ့ကြောင်း ဒေသသတင်းရင်းမြစ်များ ထံက သိရသည်။
ယမန်နေ့အောက်တိုဘာလ ၈ ရက် ညနေ ၃ နာရီ ၃၀ မိနစ်အချိန်တွင် အကြမ်းဖက်စစ်ကောင်စီ၏ တံ တား ဦးလေတပ်မှ တက်လာသော ဂျက်ဖိုက်တာတစ်စီးသည် ကန့်ဘလူမြို့နယ်ကို ဖြတ်ပြီး ကော လင်းမြို့နယ် အရှေ့ခြမ်းရှိ ကုက္ကိုလ်ကုန်းကျေးရွာကို ဗုံးသီး ၃ လုံး ကြဲချသွားကြောင်း၊ ထို့အပြင် လေယာဉ်ပေါ်မှ နှစ်ကြိမ်ပစ်ခတ်တိုက်ခိုက်ပြီး လာရာလမ်းအတိုင်း ပျံသန်းကာ ဆင်းသွားကြောင်း သိရသည်။
“တိုက်ပွဲလည်းမရှိဘူး။ စက်လက်နဲ့ကုတ်သွားတယ်၊ ဗုံးသီးတစ်လုံးချသွားတယ်၊ ကုက္ကိုလ်ကုန်း၊ ညောင်ကုန်းတဝိုက်ပေါ့၊ ကုက္ကိုလ်ကုန်းနဲ့ညောင်ကုန်းကရွာချင်းဆက်နေတာ၊ တောင်ဘက်မြောက် ဘက် တံတားလေးပဲခြားတာ၊ ပြည်သူ ၃ ဦးသေဆုံးတယ်။ ဗုံးသီး ၃ လုံးချသွားတာ။” ဟု ဒေသ သတင်းရင်းမြစ်က ပြောကြားသည်။
D Day News
