0
0
ဘုတ်ပြင်းမြို့နယ်တွင် စစ်သားများစီးနင်းလာသောကားကို မိုင်းဆွဲပစ်ခတ်တိုက်ခိုက်မှုအရာရှိ ၁ ဦး အပါအဝင် ၃ ဦး သေဆုံး
D Day News
အောက်တိုဘာလ ၂
တနင်္သာရီတိုင်း၊ ဘုတ်ပြင်းမြို့နယ်တွင် အကြမ်းဖက် စစ်ကောင်စီ တပ်သားများ လိုက်ပါလာသော ကားကို မိုင်းဆွဲ ပစ်ခတ်တိုက်ခိုက်ရာ အကြမ်းဖက်စစ်တပ်မှ အရာရှိ ၁ ဦး အပါအဝင် ၃ ဦး သေဆုံးခဲ့ကြောင်း Flying Star Force အဖွဲ့ထံမှ သိရသည်။
စက်တင်ဘာလ ၂၇ ရက် နံနက် ၈ နာရီ ၁၂ မိနစ်ခန့်တွင် ဘုတ်ပြင်းမြို့နယ် အခြေစိုက် ရေတပ်၊ တပ် ရင်းမှ အကြမ်းဖက် စစ်ကောင်စီ တပ်သားများလိုက်ပါလာသော ကား ၁ စီးသည် ကရသူရိသို့ သွားရောက် ပြန်လာစဉ် အသင့်စောင့်ကြို၍ ပစ်ခတ်တိုက်ခိုက်ခဲ့ရာ ရေတပ်ဗိုလ်ကြီးအဆင့်ရှိသူ အရာ ရှိတစ်ဦးအပါအဝင် ၂ ဦးသေဆုံးခဲ့ကြောင်း သိရသည်။
ထို့အပြင် ဒဏ်ရာအပြင်းအထန် ရရှိသည့် စစ်သား ၁ ဦးကို ကော့သောင်းဆေးရုံသို့ ပို့ဆောင်ကုသစဉ် ထပ်မံသေဆုံးသွားခဲ့ရာ စုစုပေါင်း အကြမ်းဖက်စစ်သား ၃ ဦးသေဆုံးသွားခြင်းဖြစ်ကြောင်း သိရသည်။
အဆိုပါ ပစ်ခတ်တိုက်ခိုက်မှုကို ဘုတ်ပြင်းမြို့နယ် ပြည်သူ့ကာကွယ်ရေးအဖွဲ့ – Flying Star Force အဖွဲ့မှ တော်လှန်ရေး ရဲဘော်များကတိုက်ခိုက်ခဲ့ ခြင်းဖြစ်ကြောင်း သိရသည်။
D Day News
