0
0
လားရှိုးမြို့ကို အကြမ်းဖက်စစ်ကောင်စီတပ်က လေကြောင်းဖြင့် ၇ ကြိမ်မြောက် ဗုံးကြဲတိုက်ခိုက်မှု ကြောင့် ပြည်သူ ၂ ဦးသေဆုံးကာ မြို့မဈေးမီးလောင်
D Day News
စက်တင်ဘာလ ၂၇
ရှမ်းပြည်နယ်မြောက်ပိုင်း၊ လားရှိုးမြို့ကို အကြမ်းဖက်စစ်ကောင်စီတပ်က လေကြောင်းဖြင့် ၇ ကြိမ် မြောက် ဗုံးကြဲတိုက်ခိုက်ခဲ့ရာ ပြည်သူ ၂ ဦးသေဆုံးပြီး လားရှိုးမြို့မဈေးမီးလောင်ခဲ့ကြောင်း ဒေသနေ ပြည်သူ များထံမှ သိရသည်။
ယနေ့ စက်တင်ဘာလ ၂၇ ရက်နေ့ နံနက် ၃ နာရီ ၃၆ မိနစ် ၊ နံနက် ၃ နာရီ မိနစ် ၄၀ နှင့် နံနက် ၃ နာ ရီ မိနစ် ၅၀ အချိန်တို့တွင် အကြမ်းဖက်စစ်ကောင်စီက လားရှိုးမြို့ ရပ်ကွက် ၁ ၊ ကျောက်တောင်၊ လားရှိုးမြို့မစျေးကြီးတို့ကို လေယာဉ်ဖြင့် ဗုံးများ ကြဲချခဲ့ရာ အမျိုးသား ၁ ဦး ၊ အမျိုး သမီး ၁ ဦး သေ ဆုံးပြီး ပြည်သူ ၅ ဦးထက်မနည်း ဒဏ် ရာရရှိထားကြောင်း ၊ ထို့အပြင် လားရှိုးမြို့မစျေးတွင်လည်း ဗုံးကျရောက်ပေါက်ကွဲမှုကြောင့် စျေးရုံမီးလောင်ခဲ့ပြီး အချိန်မီ ငြိမ်းသတ်နိုင်ခဲ့ကြောင်း သိရသည်။
“ရပ်ကွက် ၁ ၊ နယ်မြေ ၈ မှာ အမျိုးသား ၁ ဦး၊ အမျိုးသမီး ၁ ဦး သေဆုံးပါတယ်။ ပွဲချင်းပြီး ၂ ဦး သေ ဆုံးပါတယ်။ ဒဏ်ရာရသူတွေမှာ စိုးရိမ်ရတာ ၁ ဦးဖြစ်ပါတယ်။ ဆေးရုံပို့ထားပါတယ်။ ကိုယ်ဝန် ဆောင် မိခင်တစ်ဦးလည်း ခြေထောက်မှာ ဗုံးထိထားလို့ ဆေးရုံပို့ထားရပါတယ်။ စျေးရုံမီးလောင်တာ ကတော့ အချိန်မီ မီးငြိမ်းသတ်နိုင်ခဲ့ပါတယ်” ဟု လားရှိုးမြို့နေပြည်သူတစ်ဦးက ပြောကြားသည်။
လားရှိုးမြို့ဗုံးကြဲတိုက်ခိုက်မှုသည် ၇ ကြိမ်မြောက်ဖြစ်ပြီး ဩဂုတ်လ ၃၀ ရက်၊ စက်တင်ဘာလ ၉ ရက် ၊ စက်တင်ဘာလ ၁၀ ရက် ၊ စက်တင်ဘာလ ၂၁ ရက်၊ စက်တင်ဘာလ ၂၄ ရက်နေ့နှင့် စက်တင်ဘာ လ ၂၅ ရက်နေ့တို့တွင်လည်း အကြမ်းဖက်စစ်ကောင်စီတပ်က လေကြောင်းဖြင့် ဗုံးကြဲ တိုက်ခိုက်မှု လုပ်ဆောင်ခဲ့ပြီးဖြစ်ကြောင်း သိရသည်။
D Day News
