0
0
တနင်္သာရီမြို့နယ်၊ လယ်တောင်ကျေးရွာကို စစ်တပ်က လက်နက်ကြီးဖြင့် ပစ်ခတ်မှုကြောင့် အမျိုးသမီး ၁ ဦးသေဆုံး
D Day News
စက်တင်ဘာလ ၅
တနင်္သာရီတိုင်း၊ တနင်္သာရီမြို့နယ်၊ လယ်တောင်ကျေးရွာအတွင်းသို့ အကြမ်းဖက်စစ်ကောင်စီတပ်က လက်နက်ကြီးဖြင့် ပစ်ခတ်မှုကြောင့် အမျိုးသမီးတစ်ဦးသေဆုံးခဲ့ကြောင်း ဒေသနေပြည်သူများ ထံမှ သိရသည်။
စက်တင်ဘာလ ၃ ရက် ည ၈ နာရီခန့်က တိုက်ပွဲဖြစ်ပွားခြင်းမရှိပဲ တနင်္သာရီမြို့၊ ဝပ်ဆင်တောင်( ဘုရားတောင်) ၌တပ်စွဲထားသော အကြမ်းဖက်စစ်သားများက လက်နက်ကြီးဖြင့် ၄ လုံးခန့်ပစ်ခတ်ခဲ့ ရာ လယ်တောင်ကျေးရွာအတွင်း ကျရောက်ပေါက်ကွဲပြီး အမျိုးသမီးတစ်ဦး ထိခိုက်ဒဏ်ရာရရှိကာ မြိတ်မြို့ဆေးရုံသို့ တင်ပို့ကုသစဉ်သေဆုံးသွားကြောင်း၊ နေအိမ်များလည်း ထိခိုက်ပျက်စီးမှုရှိကြောင်း သိရသည်။
“သေတာကတော့ ဒေါ်ပိန်တစ်ယောက်ပဲ၊ နေအိမ်ထိခိုက်ပျက်စီးမှုတွေလည်းရှိတယ်။ တိုက်ပွဲမဖြစ်ပဲ နဲ့ ရမ်းပစ်နေတာ၊ တစ်ခါပစ်ရင် ၃ လုံး၊ ၄ လုံးလောက်ပစ်တယ်။ နှစ်ရက် သုံးရက်ခြား ပစ်နေတာ။ အဓိကပစ်တာက ပြည်ထောင်စုလမ်းဘက်ကို ပစ်တာ။ နေအိမ်တွေနားကျတာတွေလည်းရှိတယ်။ နေအိမ်ပျက်စီးမှုကတော့ အများကြီးတော့မရှိဘူး၊ လယ်တဲတစ်လုံးတော့ ပျက်စီးတယ်။” ဟု ဒေသ နေပြည်သူတစ်ဦးက ပြောကြားသည်။
D Day News
