0
0
အကြမ်းဖက်စစ်ကောင်စီလက်အောက်ခံ ဆင်ကျော့ဌာန ပြည်သူ့ စစ်အင်အား ရာကျော် မိခင်တပ်ဖွဲ့ ဖြစ်သည့် SSPP/SSA ထံ ပြန်လည်ပူးပေါင်း
D Day News
စက်တင်ဘာလ ၅
ရှမ်းပြည်နယ် မြောက်ပိုင်း၊ သီပေါ်မြို့နယ်နှင့် မိုင်းရယ်မြို့နယ်အစပ် ဆင်ကျော့ကျေးရွာအုပ်စုတွင် လှုပ်ရှားနေသည့် အကြမ်းဖက်စစ်ကောင်စီလက်အောက်ခံ ဆင်ကျော့ဌာနေ ပြည်သူ့စစ် အင်အားရာ ကျော်သည် မိခင်တပ်ရင်းဖြစ်သည့် SSPP/SSA ထံ ပြန်လည်ပူးပေါင်းလိုက်ပြီဖြစ်ကြောင်း သိရသည်။
ယနေ့ စက်တင်ဘာလ ၅ ရက် နံနက်ပိုင်းအချိန်တွင် မူရင်းတပ်ဖွဲ့ထံ တာဝန်ထမ်းဆောင်ရန် ပြန် လည် ရောက်ရှိလာကြသည့် ဆင်ကျော့ဌာနေ ပြည်သူ့စစ်များအား ဝမ်းမြောက်ကြိုဆိုသည့် အခမ်း အနားတစ်ခုကို ရှမ်းပြည် တိုး တက်ရေး ပါတီ၊ ရှမ်းပြည်တပ်မတော် SSPP/SSA မှ ဦး ဆောင်ပြီး ဝမ်ဟိုင်း ဌာနချုပ်တွင် ကျင်းပပြုလုပ်ခဲ့ကြောင်း သိရသည်။
ယင်းအခမ်းအနားတွင် SSPP/SSA နာယက (၁) ဗိုလ်ချုပ်ကြီး ဆေထင် မှ အခမ်းအနားအဖွင့်အမှာ စကားပြောကြားပြီး ဆင်ကျော့ပြည်သူ့စစ်ဥက္ကဌ ဗိုလ်ချုပ်ကြီး လွယ်မောဝ်း မှ ယခင် ၂၀၁၀ ခုနှစ် အ ချိန် တွင် အခြေအနေအမျိုးမျိုးကြောင့် SSA တပ်မဟာ (၃) မှ ဆင်ကျော့ ပြည်သူ့စစ်အဖြစ်ပြောင်း လဲရခြင်း ဖြစ်ကြောင်း ၊ လက်ရှိအချိန်မှစ၍ ဆင်ကျော့ဌာနေ ပြည်သူ့စစ်မှ ရှမ်းပြည်တိုးတက်ရေး ပါတီ ၊ ရှမ်းပြည်တပ်မတော်အဖြစ် သတ်မှတ် အတည် ပြုလိုက်ပြီဖြစ်သည်ဟု ပြောကြားခဲ့ကြောင်း သိရသည်။
မူရင်းတပ်ဖွဲ့ထံ တာဝန်ထန်းဆောင်ရန် ပြန်လည် ရောက်ရှိလာကြသည့် ဆင်ကျော့ ဌာနေပြည်သူ့စစ် တပ်ဖွဲ့ဝင်များကို SSPP/SSA မှ ဆုတော်ငွေ ကျပ်သိန်း ၄၀၀ ကျော် ချီးမြင့်ပေးအပ်ခဲ့ကြောင်း SSPP/ SSA က ထုတ်ပြန်ထားသည်။
ဆင်ကျော့ဌာနေပြည်သူ့စစ်တပ်ဖွဲ့သည် ၂၀၁၀ ခုနှစ်တွင် စစ်ကောင်စီ၏ ဖိအားပေးမူကြောင့် မလွဲမ ရှောင်သာ ရှမ်းပြည်တပ်မတော် SSA မှ စစ်တပ်လက်အောက်ခံ ဆင်ကျော့ ဌာနေပြည်သူ့စစ်အဖြစ် အသွင် ပြောင်းခဲ့ရသည့် တော်လှန်ရေးတပ်ဖွဲ့ ဖြစ်ကြောင်း သိရသည်။
D Day News
