0
0
KNU တပ်မဟာ ၅ နယ်မြေ၌ ၁၅ ရက်တာအတွင်း တိုက်ပွဲ ၅၇ ကြိမ်ဖြစ်ပြီး စစ်သား ၂၀ သေဆုံး
D Day News
ဩဂုတ်လ ၁၈
ကရင်ပြည်နယ်၊ KNU တပ်မဟာ ၅ မူတြော်ခရိုင်၌ ၁၅ ရက်တာအတွင်း တိုက်ပွဲ ၅၇ ကြိမ် ဖြစ်ပွားခဲ့ ပြီး အကြမ်းဖက်စစ်ကောင်စီ တပ်သား ၂၀ ဦး သေဆုံးခဲ့ကြောင်း KNU ဗဟိုက ထုတ်ပြန်သည်။
ဩဂုတ်လ ၁ ရက်နေ့မှ ၁၅ ရက်နေ့အထိ ကရင်အမျိုးသား လွတ်မြောက်ရေး တပ်မတော် (KNLA) ၊ အမှတ် ၅ တပ်မဟာနှင့် အကြမ်းဖက် စစ်တပ်တို့အကြား တိုက်ပွဲပေါင်း ၅၇ ကြိမ်ဖြစ်ခဲ့ပြီး အကြမ်း ဖက် စစ်ကောင်စီတပ်သား ၂၀ ဦးသေဆုံးကာ ၄ ဦး ထိခိုက်ဒဏ်ရာရရှိခဲ့ကြောင်း သိရသည်။
အဆိုပါ တိုက်ပွဲ ၅၇ ကြိမ်အတွင်း ကရင် အမျိုးသားလွတ်မြောက်ရေး တပ်မတော် (KNLA) ၊ အမှတ်၅ တပ်မဟာ နှင့် တော်လှန်ရေး ပူးပေါင်းတပ်ဖွဲ့ဘက်မှ ထိခိုက်မှု တစုံတရာ မရှိကြောင်း သိရသည်။
ယင်းတိုက်ပွဲများအတွင်း အကြမ်းဖက် စစ်ကောင်စီဘက်မှ လေကြောင်းဖြင့် ဗုံးကြဲတိုက်ခိုက်မှုများ ပြု လုပ်ခြင်းအပြင် စက်လက်နက်ခဲယမ်း ရိက္ခာများကိုလည်း ထောက်ပို့လေယာဉ်ဖြင့်သာ ပို့ဆောင်ခဲ့ရသည်ဟု ဆိုသည်။
ဩဂုတ်လ ၁ ရက်နေ့မှ ၁၅ ရက်နေ့အတွင်း မူတြော်ခရိုင်အတွင်း၌ အကြမ်းဖက် စစ်တပ်က ပြည်သူ လူထုနေထိုင်ရာကို ဦးတည်ပြီး လက်နက်ကြီးဖြင့် ၅ ကြိမ်ပစ်ခတ်ခဲ့ရာ အရပ်သားပြည်သူ ၁ ဦးနှင့် နွားတစ်ကောင် ထိခိုက်ဒဏ် ရာရရှိခဲ့ကြကြောင်း သိရသည်။
D Day News
