0
0
လားရှိုးမြို့မှ ဖမ်းဆီးရရှိသော မင်းအောင်လှိုင်စစ်တပ် မိသားစုဝင် ၁၈၅ ဦးကို ၇ ကြိမ်မြောက် လွှတ် ပေး (ရုပ်သံ)
D Day News
ဩဂုတ်လ ၁၆
ရှမ်းပြည်နယ်မြောက်ပိုင်း၊ လားရှိုးမြို့မှ ဖမ်းဆီးရရှိသော မင်းအောင်လှိုင်စစ်တပ်၏ မိသားစုဝင် ၁၈၅ ဦးကို ၇ ကြိမ်မြောက်လွှတ်ပေးလိုက်ကြောင်း MNDAA က ထုတ်ပြန်သည်။
ဩဂုတ်လ ၁၃ ရက်နေ့က လားရှိုးမြို့သိမ်းတိုက်ပွဲအတွင်းဖမ်းဆီးရရှိသော မင်းအောင်လှိုင်စစ်တပ်၏ စစ်သားများနှင့် မိသားစုဝင် ၁၈၅ ဦးကို ထပ်မံစေလွှတ်ပေးခဲ့ခြင်းဖြစ်ပြီး အသုတ်လိုက်ခွဲပြီး စေလွှတ် ပေးနေခြင်းဖြစ်ကြောင်း၊ ထိုသို့ စေလွှတ်ပေးသည့် အကြိမ်ပေါင်း အနည်းဆုံး ၇ ကြိမ်မြောက်ရှိကာ လူဦးရေ ၂၀၀၀ ကျော်စေလွှတ်ပေးပြီးဖြစ်ကြောင်း MNDAA ထုတ်ပြန်ချက်တွင် ဖော်ပြထားသည်။
အလားတူ ဩဂုတ်လ ၁၄ ရက်နေ့တွင် အရှေ့မြောက်တိုင်းစစ်ဌာနချုပ်မှ ဖမ်းဆီးရမိသော စစ်သုံ့ပန်း ၂၉၆ ဦး ၊ ဩဂုတ်လ ၁၁ ရက်နေ့က ပြင်းထန်ဒဏ်ရာရ စစ်သုံ့ပန်း ၄၅ ဦးကိုလည်း MNDAA က လွှတ် ပေးခဲ့ပြီး ထိုသို့လွှတ်ပေးရာတွင် SSPP နှင့်ချိတ်ဆက်ကာ ပြန်လွှတ်ပေးခဲ့ခြင်းဖြစ်ပြီး ခရီးစရိတ် အ ဖြစ် စစ်သုံ့ပန်းမိသားစု တစ်စုလျှင်ငွေကျပ် ၅ သောင်းစီပေးအပ်ကြောင်း သိရသည်။
MNDAA တပ်ဖွဲ့သည် ဩဂုတ်လ ၆ ရက်နေ့ကစတင်ပြီး လားရှိုးမြို့မှ ဖမ်းဆီးရရှိသည့် စစ်သုံ့ပန်း နှင့် မိသားစုဝင်များကို ပြန်လွှတ်ပေးလျက်ရှိရာ လက်ရှိချိန်တွင် စစ်သုံ့ပန်း မိသားစုဝင် ၂၀၀၀ ကျော်နှင့် စစ်သုံ့ပန်း ၃၄၁ ဦးကို ပြန်လွှတ်ပေးခဲ့ပြီးဖြစ်ကြောင်း သိရသည်။
D Day News
