0
0
မင်းလှမြို့နယ်၊ ဇရစ်မျှောင်ကျေးရွာနေပြည်သူများကို အတင်းအဓမ္မစစ်မှုထမ်းခိုင်းရန်လူစု၊ ဆက် ကြေးကောက်နေသည့် ရာအိမ်မှူး ထွန်းထွန်းတို့ ပစ်ခတ်ခံရပြီး သေဆုံး
D Day News
ဩဂုတ်လ ၁၄
ပဲခူးတိုင်း၊ သာယာဝတီခရိုင်၊ မင်းလှမြို့နယ်၊ ခွက်မအုပ်စု၊ ဇရစ်မျှောင်ကျေးရွာနေပြည်သူများကို အ တင်းအဓမ္မစစ်မှုထမ်းခိုင်းရန် လူစု၊ ဆက်ကြေးကောက်နေသည့် ရာအိမ်မှူး ထွန်းထွန်း ကိုပစ်ခတ် ရှင်းလင်းခဲ့ရာ နေရာမှာပင်ပွဲချင်းပြီး သေဆုံးသွားကြောင်း သာယာဝတီခရိုင် တပ်ရင်း ၃၈၀၂ ထံမှ သိရသည်။
ယနေ့ ဩဂုတ်လ ၁၄ ရက နံနက် ၉ နာရီ မိနစ် ၃၀ အချိန်က မင်းလှမြို့နယ်၊ ခွက်မအုပ်စု၊ ဇရစ်မျှောင်ကျေးရွာနေ ရာအိမ်မှူး ပျူထွန်းထွန်းကို နေအိမ်အတွင်း၌ ဝင်ရောက်ပစ်ခတ် ရှင်းလင်းခဲ့ရာ သေနတ် ၂ ချက်ထိမှန် သေဆုံးသွားပြီး ၎င်းထံမှ လက်ပစ်ဗုံး ၁ လုံး၊ မိုဘိုင်းဖုန်း ၂ လုံးတို့ကို သိမ်း ဆည်းရရှိခဲ့ကြောင်း သိရသည်။
အဆိုပါ ပစ်ခတ်ရှင်းလင်းမှုကို သာယာဝတီခရိုင် တပ်ရင်း ၃၈၀၂ ၊ တပ်ခွဲ ၄ မြေအောက်ပြောက်ကျား တပ်ဖွဲ-အုတ်ဖို ၏ ရဲဘော်များမှ လုပ်ဆောင်ခဲ့ခြင်းဖြစ်ပြီး ပြည်သူများနှင့် တော်လှန်ရေးတပ်ဖွဲ့များကို ဒုက္ခပေးနေကြသည့် အကြမ်းဖက်စစ်တပ် ထောက်တိုင် များ ကို ပြင်းပြင်းထန်ထန်အရေးယူသွား မည် ဖြစ်ကြောင်း၊ ထို့ကြောင့် အဆိုပါထောက်တိုင်များအနီး ၌ သွားလာနေထိုင်ခြင်း မပြုလုပ်ကြရန် အသိပေးမေတ္တာရပ်ခံထားသည်။
ရာအိမ်မှူး ထွန်းထွန်းသည် တော်လှန်ရေးတပ်ဖွဲ့များနှင့် PDF ရဲဘော်များ၏ အချက်အလက်များအား အကြမ်းဖက်စစ်တပ်ထံ ထောက်လှမ်းသတင်းပို့ခြင်း၊ အကြမ်းဖက်စစ်သားများအား ၄င်း၏ ကားဖြင့် အကြိုအပို့ လုပ်ပေးခြင်းနှင့် ရိက္ခာများ ဝယ်ယူပေးခြင်း၊ အကြမ်းဖက်စစ်တပ်အလိုကျ ပြည်သူများ အား အတင်းအကြပ် ခြိမ်းခြောက်၍ စစ်မှုထမ်းရန် လူစုပေးခြင်းနှင့် ငွေကြေးကောက်ခံခြင်းများ ပြု လုပ်နေသောကြောင့် ယခုကဲ့သို့ အရေးယူရခြင်းဖြစ်ကြောင်း အသိပေးထားသည်။
D Day News
