1
0
Read Time:1 Minute, 18 Second
ကဗျာကဏ္ဍ “ပီအာအဖ်နှင့်ပြည်သူ”
ပျိုးကြဲလက်
အာဏာရှင် တော်လှန်ရေး
အားပေးဖို့ ညီတယ်နော်
ထောက်ပို့ရဲဘော် ။
ကြိုးစားလို့ ရွှင်ပျော်ပျော်
လက်တွဲခေါ် သူငယ်ချင်း ။
ငါတို့မှာ တို့ပဲရှိလို့
အားကိုးမိခြင်း ။
ငွေရှိရင် ငွေကူဗျ
တော်လှန်ကြ အတူတူ
ရဲတံခွန်ထူ ။
ရင်ထဲက သောကပူ
ဗလောင်ဆူ ရှိလဲ ။
ထောက်ပို့မှာ အဓိကကျ
လှူရမှာပဲ ။
ရွှေရှိရင် ရွှေလှူဗျ
ပုန်ကန်ကြ အတူတူ
ရဲအောင်လံထူ ။
စိတ်ထဲက ဒေါသပူ
ဗလောင်ဆူ ရှိဆဲ ။
ထောက်ပို့မှာ အခရာကျ
ကူရမှာပဲ ။
စစ်မြေမှာ ဘဝကြမ်းတဲ့
ရှေ့တန်းက ပြည့်ရဲဘော်
စွန့်လွှတ်လို့ပျော် ။
ဆေးဝါးနဲ့ ရိက္ခာနော်
လုံလောက်သော် အသာစီးရ ။
လက်နက်နဲ့ ကျည်ဆံငအောင်
မပြတ်လှူဗျ ။
ပြည်သူဟာ အဓိက
စိတ်တိုင်းကျ ကူကြပါ ။
ဖယ်ဒရယ် ဖိုးရွှေလ
ကိုးဆယ်ဆသာ ။
သမိုင်းတွင်မယ့် ရက်မဟာ
လှူရတာ အခွင့်ထူး ။
ပီအာအဖ်နဲ့ ပြည်သူတွဲလို့
စွဲလှူပါဦး ။ ။
ပျိုးကြဲလက်
ကဗျာရေးသားချိန် = ၂၀၂၄ ခုနှစ်၊ ဇူလိုင်လ ၁၅ ရက် နံနက် ၁၀ နာရီ မိနစ် ၅၀
D Day News
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
