0
0
မူတြော်ခရိုင်တွင် ဇူလိုင်လအတွင်း တိုက်ပွဲ ၁၀၁ ကြိမ်ဖြစ်ပြီး စစ်သား ၅၂ ဦးသေဆုံး
D Day News
ဩဂုတ်လ ၄
ကရင်ပြည်နယ်၊ မူတြော်ခရိုင်တွင် ဇူလိုင်လအတွင်း တိုက်ပွဲပေါင်း ၁၀၁ ကြိမ်ဖြစ်ပြီး အကြမ်းဖက် စစ်ကောင်စီတပ်သား ၅၂ ဦးသေဆုံးခဲ့ကြောင်း KNU ဗဟိုက ထုတ်ပြန်သည်။
ဇူလိုင်လ ၁ ရက်နေ့မှ ၃၁ ရက်နေ့အထိ ကေအဲန်ယူ−ကရင်အမျိုးသားအစည်းအရုံး၊ ကော်သူးလေအုပ် ချုပ်နယ်မြေ၊ မူတြော်ခရိုင် အတွင်း၌ ကရင်အမျိုးသား လွတ်မြောက်ရေးတပ်မတော် (K.N.L.A)၊ တော်လှန်ရေးပူးပေါင်းတပ်ဖွဲ့များနှင့် အာဏာသိမ်းအကြမ်းဖက် စစ်ကောင်စီတပ်တို့အကြား တိုက်ပွဲ ပေါင်း (၁၀၁)ကြိမ်ဖြစ်ပွားခဲ့ကြောင်း သိရသည်။
ယင်း တိုက်ပွဲများအတွင်း အာဏာသိမ်းအကြမ်းဖက်စစ်ကောင်စီ တပ်သား ၅၂ ဦးသေဆုံးပြီး ၁၂ ဦး ထိခိုက်ဒဏ်ရာရှိခဲ့ကာ စစ်ကောင်စီ၏ အဆောက်အဦး ၂ ခု ထိခိုက်ပျက်စီးပြီး မြင်း ၂ ကောင် သေဆုံး ခဲ့ကြောင်း၊ ကရင်အမျိုးသားလွတ်မြောက်ရေးတပ်မတော် (K.N.L.A) တပ်မဟ ၅ နှင့် တော်လှန်ရေး ပူးပေါင်း တပ်ဖွဲ့ များဘက်မှ ထိခိုက်မှု တစုံတရာမျှမရှိကြောင်း သိရသည်။
အဆိုပါ တိုက်ပွဲများအတွင်း အာဏာသိမ်းအကြမ်းဖက်စစ်ကောင်စီဖက်မှ လေကြောင်းမှသာ ရိက္ခာ များ ချပေးခြင်းတို့ လုပ်ဆောင်နိုင်တော့ပြီး လက်နက်ကြီးများ နှင့် လေကြောင်းတို့မှ ပြည်သူ လူထု များနေထိုင်ရာ ကျေးရွာများအတွင်းနှင့် လုပ်ကိုင်စားသောက်ရာ လုပ်ငန်းခွင်များအတွင်းသို့ ပစ်မှတ် ထား တိုက်ခဲ့ခြင်းများကိုလည်း အကြိမ်ရေများစွာလုပ်ဆောင်ခဲ့ကြောင်း သိရသည်။
D Day News
