0
0
ဆိပ်ဖြူမြို့နယ် ကပစ ၂၂ ကို လက်နက်ကြီးဖြင့် တိုက်ခိုက်မှု အရာရှိတစ်ဦးအပါအဝင် ၂ ဦးသေဆုံး
D Day News
ဇူလိုင်လ ၂၈
မကွေးတိုင်း၊ ဆိပ်ဖြူမြို့နယ်ရှိ အကြမ်းဖက်စစ်ကောင်စီ၏ ကပစ ၂၂ ကို လက်နက်ကြီးများဖြင့် ပစ်ခတ် တိုက်ခိုက်ခဲ့ရာ အကြမ်းဖက်စစ်တပ်အရာရှိတစ်ဦးအပါအဝင် ၂ ဦး သေဆုံးခဲ့ကြော်ငး Oak Awe UG စလေမြို့ပြပြောက်ကျားတပ်ဖွဲ့ထံမှ သိရသည်။
ဇူလိုင်လ ၂၃ ရက်နေ့ ည ၇ နာရီ ၁၁ မိနစ်ခန့်တွင် ဆိပ်ဖြူမြို့နယ်ရှိ အကြမ်းဖက်စစ်တပ်၏ ကပစ ၂၂ ကို ၆၀ မမ ၊ ၈၀ မမ လက်နက်ကြီးများဖြင့် ပစ်ခတ်တိုက်ခိုက်ခဲ့ရာ အကြမ်းဖက်စစ်တပ် စက်ရုံ အ တွင်း ကျရောက်ပေါက်ကွဲပြီး အကြမ်းဖက်စစ်တပ်မှ အရာရှိတစ်ဦးအပါအဝင် ၂ ဦးသေဆုံး ကာ ၄ ဦး ဒဏ်ရာရရှိခဲ့ကြောင်း သိရသည်။
“အဓိက ပစ်မှတ်ထား ပစ်ခတ်တာကတော့ အရာရှိ လိုင်းခန်းနဲ့ လက်နက် ကြီး အထိုင်ကုန်းတို့ကို ပစ် မှတ်ထား တိုက်ခိုက်တာပါ။ အထိအခိုက်သေဆုံးမှု စားရင်းရပါပြီ။ အရာရှိ ၁ ဦးအပါအဝင်၂ ဦးသေဆုံး ပြီး ၄ ဦး အပြင်းအထန်ဒဏ်ရာရတယ်လို့ သိရပါတယ်” ဟု Oak Awe UG စလေမြို့ပြပြောက်ကျား တပ်ဖွဲ့မှ တာဝန်ရှိသူတစ်ဦးက ပြောကြားသည်။
အဆိုပါ တိုက်ခိုက်မှုကို OAK AWE UG စလေမြို့ပြပြောက်ကျားတပ်ဖွဲ့၊ အာဠာဝက မြို့ပြ ပြောက် ကျားတပ်ဖွဲ့ ၊ ပေါက်ပကဖ နှင့် သခင်ဖိုးလှကြီး အဖွဲ့ တို့က ပူးပေါင်းတိုက်ခိုက်ခဲ့ခြင်းဖြစ်ပြီး ပြည်သူ့ ကာကွယ်ရေးတပ်ဖွဲ့ဝင်များအထိအခိုက်မရှိ ပြန်လည်ဆုတ်ခွာနိုင်ခဲ့ကြောင်း သိရသည်။
D Day News
