0
0
ထန်တလန်မြို့အရံ ရှေ့တန်းအမာခံစခန်းများကို တိုက်ခိုက်သိမ်းပိုက်မှု တစ်ပတ်အတွင်း စခန်း ၆ ခုကို သိမ်းပိုက်ရရှိပြီး စစ်သား ၁၅ ဦးသေဆုံးပြီး ၃ ဦးအရှင်ဖမ်းမိကာ လက်နက်ခဲယမ်းများ သိမ်းဆည်းရရှိ
D Day News
ဇူလိုင်လ ၂၈
ချင်းပြည်နယ်၊ ထန်တလန်မြို့အရံ ရှေ့တန်းအမာခံစခန်းများကို တိုက်ခိုက်သိမ်းပိုက်ရာ တစ်ပတ် အတွင်း စခန်း ၆ ခုကို သိမ်းပိုက်နိုင်ခဲ့ပြီး အကြမ်းဖက်စစ်ကောင်စီတပ်သား ၁၅ ဦးသေဆုံးပြီး ၃ ဦး အရှင်ဖမ်းမိကာ လက်နက်ခဲယမ်းများ သိမ်းဆည်းရရှိခဲ့ကြောင်း Chinland Council ထံမှ သိရသည်။
ယနေ့ ဇူလိုင်လ ၂၈ ရက် နံနက်ပိုင်းတွင် ဟားခါးမြို့နှ့င် ထန်တလန်မြို့ကြားရှိ ထန်တလန်မြို့ရံ ရှေ့ တန်း အမာခံစခန်းဖြစ်သည့် Auto တောင် စခန်း ၃ ခုအား Chinland Council ပူးပေါင်းတပ်ဖွဲ့မှ အပြီးသတ်သိမ်းပိုက်နိုင်ခဲ့ကြောင်း သိရသည်။
အဆိုပါစခန်းများသည် တပ်မ ၇၇ လက်အောက်ခံ တပ်ရင်း အထိုင်ချသည့်နေရာဖြစ်ပြီး တိုက်ခိုက် သိမ်းပိုက်မှုအတွင်း လက်နက်အများအပြားသိမ်းဆည်းရရှိကာ စစ်ကောင်စီတပ်သား ၁၅ ဦး သေဆုံး ပြီး ၂ ဦး အရှင်ဖမ်းဆီးရရှိခဲ့ကြောင်း သိရသည်။
Chinland Council ပူးပေါင်းတပ်ဖွဲ့များမှ ဟားခါး-ထန်တလန်ကြားရှိ စစ်ကောင်စီ၏ ရှေ့တန်း အမာ ခံ စခန်းများကို ဇူလိုင်လ ၂၂ ရက်နေ့မှ စတင်တိုက်ခိုက်ရာ တစ်ပတ်အတွင်း စခန်း ၆ ခု သိမ်းပိုက် ရရှိခဲ့ပြီး လက်နက်ခဲယမ်းများအပြင် သုံ့ပန့် ၃ ဦး ဖမ်းဆည်းရရှိထားကြောင်း သိရသည်။
D Day News
