0
0
ဆားလင်းကြီးမြို့ပေါ်ရှိ ရဲစခန်း၊ ထွေအုပ်ရုံးအပါအဝင် စစ်သားများတပ်စွဲထားသည့် နေရာများကို တိုက်ခိုက်မှု စစ်သား ၂ ဦးသေဆုံးပြီး PDF တစ်ဦး ကျဆုံး
D Day News
ဇူလိုင်လ ၂၁
စစ်ကိုင်းတိုင်း၊ ဆားလင်းကြီးမြို့ပေါ်ရှိ ရဲစခန်း၊ ထွေအုပ်ရုံးအပါအဝင် အကြမ်းဖက်စစ်သားများ တပ်စွဲ ထားရာနေရာများကို ဝင်ရောက်တိုက်ခိုက်ခဲ့ရာ စစ်သား ၂ ဦးသေဆုံးပြီး PDF ရဲဘော်တစ်ဦးကျဆုံးခဲ့ ကြောင်း Chin Dwin Dynamite ပြည်သူ့ကာကွယ်ရေးတပ်ဖွဲ့ (Salingyi) ထံမှ သိရသည်။
ဇူလိုင်လ ၁၉ ရက် နံနက် ၈ နာရီခန့်က စ၍ ဆားလင်းကြီးမြို့ပေါ်ရှိ မြို့မရဲစခန်း၊ အထွေထွေအုပ်ချုပ် ရေးမှူးရုံး ၊ ဆေးရုံ၊ မင်းကန်ကြီး ၊ တာဝတိံသာကျောင်း တို့၌ တပ်စွဲထားသော အကြမ်းဖက်စစ်သား များကို Fixed Wings Dones များ၊ 40 mm၊ 60 mm၊ 80 mm ၊ 120 mm လက်နက်ကြီးများဖြင့် ဗုံး သီး အလုံးရေ ၁၀၀ ကျော်ကို ၂ နာရီကျော်ကြာသည်အထိ ဗုံးကျဲ ပစ်ခတ်တိုက်ခိုက်ခဲ့ကြောင်း သိရ သည်။
ထိုသို့ ဗုံးကျဲပစ်ခတ်တိုက်ခိုက်မှုအတွင်း အကြမ်းဖက်စစ်သားများ နေထိုင်ရာ ဘန်ကာများပေါ်သို့ ကျရောက်ပေါက်ကွဲပြီး မြေပြင်မှ နေရာ ၃ ခုမှ လက်နက်ငယ်များဖြင့် ပစ်ခတ်တိုက်ခိုက်ခဲ့ကြောင်း၊ ဆေးရုံကုန်းမှ အကြမ်းဖက်စစ်သားသည် စွန့်ခွာထွက်ပြေးသွားကြောင်း၊ ဘုန်း ကြီးကျောင်းအတွင်း တပ်စွဲ ထားသော အကြမ်းဖက်စစ်သားများကို တိုက်ခိုက်ခဲ့ရာ စစ်သား ၂ ဦးသေဆုံးခဲ့ကြောင်း၊ ယင်း တိုက်ပွဲအတွင်း ပြည်သူ့ကာကွယ်ရေးတပ်ဖွဲ့ဝင်တစ်ဦး ကျဆုံးကာ ၂ ဦး ဒဏ်ရာရရှိခဲ့ကြောင်း သိရ သည်။
မွန်းလွဲ ၂ နာရီခန့်တွင် မင်းကန်ကြီးဘောင်၌ နေရာ အကြမ်း ဖက်စစ်တပ် ဘန်ကာကို ဒုတိယအကြိမ် ထပ်မံ တိုက်ခိုက်ခဲ့ရာ ကျည်ပြတ်လပ်မှုနှင့်ကြုံတွေ့ရကာ ကျည်ဖြည့်တင်းပြီးတိုက်ခိုက်ခဲ့ပြီး ည ၇ နာ ရီ ခွဲခန့်အထိ အပြင်းအထန် တိုက်ပွဲ ၅ ကြိမ်ထက်မနည်ဖြစ်ခဲ့ကြောင်း သိရသည်။
အထိနာသော အကြမ်းဖက်စစ်သားများက လက်နက်ကြီး ၊ လက်နက်ငယ်ဖြင့် ပစ်ခတ်မှုကြောင့် ပြည်သူ ၁ ဦး ထိခိုက်ဒဏ်ရာရရှိခဲ့သည်ဟု ဆိုသည်။
အဆိုပါ တိုက်ခိုက်မှုကို Chin Dwin Dynamite ပြည်သူ့ကာကွယ်ရေးတပ်ဖွဲ့(Salingyi) ၊ ယင်းမာပင် ခရိုင်တပ်ရင်း ၃၅ ၊ တပ်ခွဲ ၃ ၊ တောင်ပံနီအထူးပြောက်ကျားတပ်ဖွဲ့ (Saligyi)၊ ယင်းမာပင်ခရိုင် တပ် ရင်း ၃၅ ၊ တပ်ခွဲ ၃ ၊ တပ်စိတ် ၁ 5/Fighter (Monywa) ၊ Fighter Nine Force(Salinbgyi) ၊ SPDF (Salingyi) ၊ မျက်လုံးစစ်ကြောင်း ၊ သေမင်းတမန်အဖွဲ့၊ မျိုးဆက်သစ်လူငယ်အဖွဲ့ ၊ အာဏာရှင်တော် လှန်ရေးအဖွဲ့ ၊ SRAအောင်ကြီးအဖွဲ့ ၊ ဖီးနစ်အဖွဲ့ ၊ ဒေါင်းတမာန်အဖွဲ့ ၊ နောင်ကြီးအဖွဲ့ ၊ CDF ၊ ဗိုလ် ယက္ခ ၊ Under Ground အဖွဲ့၊ အာဠာဝကအဖွဲ့၊ ပ.လ.ဖ ၊ မဏိမြွေပွေး ၊ မုံရွာခရိုင်တပ်ရင်း၂၇ Black Dragon Doneအဖွဲ့ ၊ Brave Heart Army(BHA) ၊ Chindwin Fighter Group(C.F.G) နှင့် ဗမာလွတ် မြောက်ရေးဒီမိုကရက်တစ်တပ်ဦး (BNDF) အဖွဲ့တို့ ပူးပေါင်းကာ တိုက်ခိုက်ခဲ့ခြင်းဖြစ်ကြောင်း သိရ သည်။
D Day News
