0
0
မင်းလှမြို့နယ်တွင် အတင်းအဓမ္မစစ်မှုထမ်းခိုင်းရန် ခြိမ်းခြောက်လူစုနေသော အုပ်ချုပ်ရေးမှူးတစ်ဦး ပစ်ခတ်ခံရပြီး သေဆုံး
D Day News
ဇူလိုင်လ ၁၈
ပဲခူးတိုင်း၊ သာယာဝတီခရိုင်၊ မင်းလှမြို့နယ်တွင် အတင်းအဓမ္မစစ်မှုထမ်းခိုင်းရန် ခြိမ်းခြေက်လူစုနေ သော ဇရစ်ချောင်းအုပ်စု အုပ်ချုပ်ရေးမှူး အောင်မြင့်ဦးကို ပစ်ခတ်ရှင်းလင်းခဲ့ရာ နေရာမှာပင်သေဆုံး သွားကြောင်း မင်းလှမြို့နယ်ပြည်သူ့ကာကွယ်ရေးတပ်ဖွဲ့ထံမှ သိရသည်။
ဇူလိုင်လ ၁၈ ရက် နံနက် ၉ နာရီ ၁၀ မိနစ်အချိန်တွင် မင်းလှမြို့ဘက်သို့ ဆိုင်ကယ်စီးလာသည့် မင်း လှမြို့နယ်၊ ချောင်းနားကျေးရွာတွင် နေထိုင်သူ ဇရစ်ချောင်းအုပ်စု အုပ်ချုပ်ရေးမှူး အောင်မြင့်ဦးကို ဇရစ်ချောင်းရွာ ဘုန်းကြီးကျောင်းအနီး လမ်းမပေါ်၌ သေနတ်ဖြင့် ၁၁ ချက်ပစ်ခတ်ရှင်းလင်းခဲ့ရာ နေရာမှာပင်ပွဲချင်းပြီး သေဆုံးသွားကြောင်း သိရသည်။
သေဆုံးသွားသော အုပ်ချုပ်ရေးမှူး အောင်မြင့်ဦးထံမှ လက်ပစ်ဗုံး ၁ လုံး၊ ကျည် ၂၆ တောင့်၊ ငွေကျပ် ၈၀၀၀၀ နှင့် အခြားသက်သေခံကတ်ပြားများအား သိမ်းဆည်းရရှိခဲ့ကြောင်း သိရသည်။
အဆိုပါ ပစ်ခတ်ရှင်းလင်းမှုကို မင်းလှမြို့နယ်ပြည်သူ့ကာကွယ်ရေးအဖွဲ့၊ သာယာဝတီခရိုင် တပ်ရင်း ၃၈၀၂ တပ်ခွဲ ၂ နှင့် တပ်ခွဲ ၃ ၏ ရဲဘော်များမှ ပစ်ခတ်ရှင်းလင်းခဲ့ခြင်းဖြစ်ပြီး ပြည်သူ့ကာကွယ်ရေး တပ်ဖွဲ့ဝင်များ အထိအခိုက်မရှိ ပြန်လည် ဆုတ်ခွာနိုင်ခဲ့ကြောင်း သိရသည်။
သေဆုံးသူ အောင်မြင့်ဦး သည် စစ်တပ်ထောက်တိုင် အမာခံတဦးဖြစ်ကာ လူငယ်များအား စစ်မှုထမ်း ရန် ခြိမ်းခြောက်လူစုကာ ငွေကြေးကောက်ခံခြင်း၊ စစ်ကောင်စီထံ မမှန်သတင်းပေး၍ ပြည်သူများ အား ဖမ်းဆီးခိုင်းခြင်း၊ စစ်ကောင်စီထံ တော်လှန်ရေးရဲဘော်ဖွဲ့များ၏ သတင်းများအား ထောက်လှမ်းပေးပို့ခြင်းများ လုပ်ဆောင်နေသောကြောင့် ယခုလို အရေးယူရခြင်းဖြစ်ကြောင်း မင်းလှမြို့နယ် ပြည်သူ့ကာကွယ်ရေးတပ်ဖွဲ့က ထုတ်ပြန်ထားသည်။
ဆက်လက်၍လည်း မင်းလှမြိုနယ်အတွင်းက လူငယ်များအားစစ်မှုထမ်းရန် အတင်းအကြပ် လူစုနေ သူများ၊ ပြည်သူများနှင့် တော်လှန်ရေးတပ်ဖွဲ့များကို ဒုက္ခပေးနေသူများအား ပြင်းပြင်းထန်ထန် အရေးယူသွားမည်ဖြစ်ကြောင်း အသိပေးထားသည်။
D Day News
