0
0
ရွှေဘိုမြို့နယ်၊ ညောင်ကိုင်းပျူရွာမှ ထွက်လာသော စစ်သား၊ ရဲ၊ ပျူများကို တိုက်ခိုက်မှု ၄ ဦး သေဆုံး (ရုပ်သံ)
D Day News
ဇူလိုင်လ ၁၇
စစ်ကိုင်းတိုင်း၊ ရွှေဘိုမြို့နယ်၊ ညောင်ကိုင်းပျူရွာမှ ထွက်လာသော အကြမ်းဖက်စစ်သား၊ ရဲ ၊ ပျူများ ကို တိုက်ခိုက်ခဲ့ရာ ၄ ဦးသေဆုံးခဲ့ကြောင်း ဗိုလ်ကျားရိုင်း ပြည်သူ့ကာကွယ်ရေးတပ်ဖွဲ့ထံမှ သိရသည်။
ယနေ့ ဇူလိုင်လ ၁၇ ရက် နံနက် ၆ နာရီ ၁၂ မိနစ်တွင် ရွှေဘိုမြို့နယ်၊ ညောင်ကိုင်းပျူရွာမှ နေ့ကင်းယူ ရန် ထွက်လာသော အကြမ်းဖက်စစ်သား၊ ရဲ ၊ ပျူများကို ၎င်းတို့ နေရာယူမည့် ဘန်ကာထဲမှ စောင့် ကြို ပြီးပစ်ခတ်တိုက်ခိုက်ခဲ့ရာ အပြန်အလှန် ပစ်ခတ်တိုက်ပွဲ ၁၅ မိနစ်ခန့်ကြာမြင့်ခဲ့ပြီး စစ်သား၊ ရဲ ၊ ပျူ ၄ ဦးသေဆုံးခဲ့ကြောင်း သိရသည်။
သေဆုံးသွားသော အကြမ်းဖက်စစ်ကောင်စီတပ်သားများထံမှ MA 1 သေနတ် ၁ လက်၊ Magazine ၁ ခု ၊ 5.56 ကျည်အတောင့် ၅၀ ၊ G-3 သေနတ် ၁ လက်၊ Magazine ၃ ခု ၊ 7.62 ကျည်အတောင့် ၁၄၀ ၊ လက်ပစ်ဗုံး ၁ လုံး၊ ဖုန်း ၁ လုံး နှင့် စကားပြေားစက် ၁ လုံးတို့ကို သိမ်းဆည်းရရှိခဲ့ကြောင်း သိရသည်။
အဆိုပါ တိုက်ခိုက်မှုကို ဗိုလ်ကျားရိုင်း ပြည်သူ့ကာကွယ်ရေးတပ်ဖွဲ့- ရွှေဘို ၊ Special Troop Of Anyar Revolution (S.T.A.R) ၊ အညာဒေသအထူးတော်လှန်ရေးတပ်ဖွဲ့၊ ဗိုလ်ဂျပန်ကြီး ရွှေဘို၊ Bo Ba Taw -SHWEBO နှင့် Golden Eagles – ZBG အဖွဲ့တို့ ပူးပေါင်းကာ တိုက်ခိုက်ခဲ့ခြင်းဖြစ်ကြောင်း သိရသည်။
ဆက်လက်၍ မိဘပြည်သူများကို ဒုက္ခအမျိုးမျိုးပေးနေသော အကြမ်းဖက်စစ်သား၊ ရဲ၊ ပျူများနှင့် အကြမ်းဖက်စစ်တပ် ထောက်တိုင်များကို ဆက်လက်တိုက်ခိုက်ချေမှုန်းသွားမည်ဖြစ်ကြောင်း အသိ ပေးထားသည်။
D Day News
